Агын тойрогой ба Ага тосхоной дэбисхэр дээрэ жэл бүри обоо тахилган эмхидхэгдэдэг гээшэ.
Коронавирусай һүжэрһэн ушарһаа Роспотребнадзорай мэргэжэлтэд обоо тахилганиие зоной хабаадалгагүйгөөр үнгэргэхэ тухай мэдээсэнэ. Тус албанай мэдээсэһээр, июниин 26-ай байдалаар, Ага тосхондо 57 үбшэнтэд элирээд байна. Тэрэ тоодо 19 үхибүүд үбдөөд байна. Тодорхойлходо, 13 хүн ямаршье симптомгуй, 23 хүн - ОРВИ-ин симптомтой, 21 - внебольничнэ пневмони.
Обоо ру ерэнгүй, гэртээ һуугаад мүргэхэдэ болохо. Обоогой газарһаа онлайн-трансляци хэгдэхэ юм. Тосхоной урда бэедэ оршодог Залаа Баабай ба хойто бэедэ июлиин 4, 5-да 12:00 сагта обоонууд тахигдаха. Һүзэгшэд интернедээр Агын дасанай ютуб-каналаар дамжуулга хараха аргатай: https://www.youtube.com/channel/UCn0ay0PXxLU3dh0amkAGx8w
