Һүүлэй жэлнүүдтэ ажалтай залуушуулай тоо олошороо, 20-24 наһанай дунда 43 хуби басагад болон 54 хуби хүбүүд ажалтай. 25-29 наһанай залуушуулай 77 хуби басагад ба 91 хуби хүбүүд ажал хэдэг байна. 15-19-тэй залуушуулай 88 хубинь һурадаг. 2015 оной бүридхэлөөр, 25-34-тэй басагадай 47 хуби, хүбүүдэй 35 хуби дээдэ эрдэмтэй. Россиин залуушуул амжалта, туйлалтануудтаа хананхатайгаар хандадаг болонхой. 2018 оной баримтаар, 15-24 наһатай, һурадаггүй, ажал хэдэггүй залуушуулай тоо 2001 онойхитой сасуул-хада, үсѳѳн болоо. Залуу эхэнэрнүүд эрдэм шудалалга ба албанай талаар дэбжэлтэ (карьера) тухай бодомжолдог боложо, хүүгэдтэй болохоёо яарадаггүй, 30 наһандаа дээ-дэ эрдэмтэй эхэнэрнүүдэй 42 хубинь лэ хүүгэдтэй байна.
IT-технологиин хүгжэлтын ашаар залуушуул гүрэндөө бэшэ, бүхы дэлхэйгээр ажаллаха аргатай. Тэдээндэ хилэ гэжэ байдаггүй, залуушуул түргэн хүдэлдэг, нэн түрүүн, психологическа талаар.
