Тиин «Могойтын аймаг» муниципальна аймагай захиргаанай толгойлогшые, мүн депутадуудые, Хүһөөшэ, Урта, Сагаан-Шулуутай, Хила, Сагаан-Уула, Наринай Адаг, Нуринск, Шэнэ Орловск, Орловск, Хойто-Ага, Урда-Ага, Гүнэй, Хүнхэр, Һүдэнтэ, Тугшан, Шандали, Дулдарга, Балжана нютагуудай захиргаануудай толгойлогшонор, бүхы 38 һуурингуудай депутадууд һунгагдаа.
Уридшалһан мэдээгээр, Агын тойрогой һунгуулиин 60 участогта дүн хамта 17316 хүн (41,56%) нютагуудай толгойлогшонорые болон депутадуудые һунгахаяа ерэһэн байна. Энэ хэрэгтэ баян-булагайхид эгээл эдэбхитэй байжа, 82,79 хуби хүн дуугаа үгөө. Тиихэдэ Алханада - 81,36%, Адуун-Шулуунда - 79,57%, Үзөөндэ – 73,86%, Бурятская станцида – 71,43%, Табтаанайда – 69,98% хүн һунгалтада хабаадаба.
