Сагаалганай һайндэртэ зорюулагдаһан Бүгэдэ буряадай “Толон” һониной шанда хүртэхын түлѳѳ “Һээр шаалга” заншалта наадаар Агын Буряадай тойрогой 2-дохи мүрысѳѳн “Амар сайн” гэһэн дуу ба хатарай театрай танхим соо февралиин 24-дэ үнгэргэгдэхэнь.

Һээр шаалгаар мүрысѳѳ эмхидхэлгын гол зорилгонуудай нэгэн хадаа угсаатанай мэдэрэл, арадайнгаа соёл, оюун бодол хүгжѳѳлгэ болон табан хушуун мал үсхэбэрилгэ болоно.

Тиимэһээ нёдондо 1-дэхи мүрысѳѳндэ илагшад мүнѳѳ мүрысѳѳнэй урда тээ ямар һанамжа бодолнуудтай байнаб гэжэ һонирхобобди.

Мүрысѳѳн тусхай гол шантай. Тэрэ шангай дүрсэдэ һээр болон малай үдэсэ үреэһэн эбэр угалза, табан хушуун малай һүлдэ тэмдэг болоһон зурагууд ороно. Түрүүшын мүрысѳѳндэ энэ шанда болон дааганда Ага-Хангил нютагай хүбүүн, сагаангууд омогой Болот Будуев хүртѳѳ бэлэй. Тэрэ Ага станци дээрэ түймэр сарагшаар ажалладаг, 2015 онһоо эмхидхэгдэжэ эхилһэн турнирнуудта тон эдэбхитэйгээр хабаададаг. Тэрэнэй урда тээшье нютагтаа һээр шаажа туршадаг лэ, ехэ һожортой байһанби гээд мүнѳѳ тэрэ хѳѳрэнэ. “Һээр шаалга хадаа арадаймнай наадан, заншалнай ха юм даа. Нютаг бүхэнэй һээр шаагшад суглархадаа, дүтѳѳр танилсанабди, нүхэсэнэбди”, - гээд тон үсѳѳн үгэтэй тамиршан хэлэнэ.

 

 

Дэлгэрэнгыгээр 6-дахи дугаарта.

You have no rights to post comments