Монгол хэлэнэй грамматика.
«Шухаг номуудые хадагаламжын таһалга соомнай тиимэшье олон ном бэшэ – оройдоол зуугаад экземпляр тоологдоно. Мүн олонхинь үнгэрэгшэ зуун жэлэй 30-40-өөд онуудай хэблэлнүүд болоно. Эдэ номуудые зүбөөр хадагалха дүүрэн эрхэ нүхэсэл бии: тусхай температура сахигдана, нарагүй, мүн түймэр болобол, гал унтарааха тусхай системэ хүдэлдэг. Эгээл хуушан, шухаг ном гэбэл, Эрхүүгэй епархиин протоиерей Александр Бобровниковой бүридхэһэн «Грамматика монгольского языка» ном болоно. Энэ ном 1835 ондо Санкт-Петербургын хуушан Россида үнэн алдартанай шажаниие хүтэлбэрилдэг байһан зургаанай типографида барлагдаһан байна. Номой санда «Грамматика монгольского языка» номые сэтгүүлшэн, багша, эрдэмтэн, фольклорист, этнограф Раднай Шерхунаев 1995 ондо бэлэглэһэн ха. 2019 ондо «Грамматика монгольского языка» Молчанов-Сибирскиин нэрэмжэтэ Эрхүүгэй можын номой сангай дэргэдэхи ном шэнэдхэн һэргээлгын болон консервациин региональна түб-тэ ажаллагдажа, ёһо гуримаар шэнэдхэн һэргээгдээ һэн», - гэжэ Людмила Хамируева хөөрэһэн байна.
Долгор Раднабазарова.
