«Учитель года Забайкалья-2017» нэрэ зэргэдэ Агын 2-дохи дунда һургуулиин тоо бодолгын багша Соёлма Эрдэмовна Батоболотова хүртөө.
«Воспитатель года Забайкалья-2017» нэрэ зэргэдэ Агын аймагай Амидхааша һууринай «Номин» хүүгэдэй сэсэрлигэй хүмүүжүүлэгшэ Д.Н.Дондокова гурбадахи һуури эзэлээ. Тиихэдэ Ага тосхоной «Далай» хүүгэдэй сэсэрлигэй хүмүүжүүлэгшэ Л.В.Потехина Агын хүүгэдэй уран урлалай байшанай нэмэлтэ һуралсалай багша М.В.Бадмаева хоёрой түһөө түсэбүүд тэмдэглэгдэжэ, тэдэ дипломуудаар ба мүнгэн шангуудаар урмашуулагдаһан байна.
С.Батоболотова (баруун гарһаа хоёрдохи).
Соёлма Эрдэмовна Буряад ороной Жаран Хашар субаргатай Хэжэнгэ нютагһаа уг гарбалтай, галзууд омогой юм. Багаһаа хойшо тоо бодолгодо дуратай байһан. Һургуулиин һүүлээр «прикладная математика, кибернетика» гэһэн шэглэлээр Томскын гүрэнэй дээдэ һургуулида ороо. Харин гурбадахи курсда һуража байтараа, Ага нютаг руу хадамда гаража, Буряадай гүрэнэй дээдэ һургуулида һуралсалаа үргэлжэлүүлээ. Тэрэнээ 2000 ондо дүүргээ.
Мүнөө Соёлма Батоболотовагай Ага тосхондо ажаһууһаарнь, 15 жэл боложо байна. Түрэл болоһон 2-дохи дунда һургуулидаа, ажалдаа, үхибүүдтэ ехэ дуратай. Гурбан выпускын үхибүүдые хүтэлжэ, хүн болгожо, һургуулииень дүүргүүлһэн. Мүнөө ),0)+7-дохи анги абаад ябана.
Дэлгэрэнгыгээр 13-дахи дугаарта.
