Сентябриин 11-дэ гүрэн доторнай дуугаа үгэлгын ниитэ үдэр болоо. Агын Буряадай тойрогой дэбисхэр дээрэ нютагай засагай хэдэн түлөөлэгшэд һунгагдаһан байна.
Дулдаргын аймагай захиргаанай толгойлогшые hунгалтада Базар Дугаржапов hунгагшадай 76 хуби дуу абажа, эзэлhэн тушаалдаа үлэбэ. Дулдаргын аймагай зүблэлэй депутадуудые hунгалтын дүн политическэ намуудай хоо-рондо – Единая Россия – 73% (11 мандат), КПРФ – 19% (2 мандат), Справедливая Россия – 7% (2 мандат), ЛДПР – 3% (мандат үгы). Нэгэ мандатна тойрогоор гараhан депутадууд хадаа Н.Д.Дашибалов, З.Р.Лхасаранов, Д.Д.Мижитдоржиев, Ж.Д.Насаков, Б.Ж.Насакова болоно.
Агын аймагай Yбэр Аргалиин захиргаанай толгойлогшые hунгалтада Чимит Батуев 62% дуу абаа. Ч.Батуев 38 наhатай, инженер-технологой мэргэжэлтэй. Агын аймагай захиргаанай хүдөө ажахын таhагта хүдэлжэ байhанаа, сентябриин 16-да толгойлогшын тушаал эзэлбэ.
Могойтын аймагай Сагаан-Шулуутай нютагай захиргаанай толгойлогшые болзорhоо урид hунгалтада Бато Барадиев 51% дуу абажа, толгойлогшо болоо.
А.ДАРЖАЕВ.
