Ном дотор Үбэр Байгалда болоһон түүхэтэ үйлэ хэрэгүүд, нюуса баялигууд тушаа дэлгэрэнгыгээр бэ-шэгдэнэ. Хуули бусаар алта мүнгэ бэдэрһэн зонтой, дээрмэшэдтэй тэмсээн г.м. үйлэ хэрэгүүд харуулагдана. Номой автор Александр Баринов тайлбарилхадаа, үнэн бодото болоһон үйлэ хэрэг дээрэ үндэһэлэгдэжэ бэшэгдэһэн. Автор олон жэлэй туршада түүхэтэ баримтануудые бэдэржэ, олон хүнтэй уулзажа, энэ ном хэблэлдэ бэлдээ. Бүхыдөө тэрэ хори гаран номой автор юм. Эгээл түрүүшын номынь «Золотые тайны Забайкалья» 1999 ондо «нара хараһан» байна. Сурбалжалагшын эгээл мэдээжэ болоһон номынь гэхэдэ, «Могила Чингисхана» болоно. Олон номуудай хэблэгдэхэ хэрэгтэ Александр Бариновай нүхэр Ирина Степановна горитойхон туһа хүргэдэг. Тэрэ корректура, вёрстко хэжэ үгэдэг.
   Хэмжээ ябуулгада хабаадалсаһан сенатор Баир Жамсуев оюутан ябаһан нүхэр тухайгаа сэдьхэлэй дулаахан үгэнүүдые хэлээ. Баир Баясхаланович нүхэрэйнгөө уран зохёохы ажалда амжалта хүсөө. Тойрогой Захиргаанай хүтэлбэрилэгшын орлогшо Цыцыгма Найданова, Жамьян Балданжабоной нэрэмжэтэ уран зохёолшодой бүлгэмэй түрүүлэгшэ Доржи Бадмаев, Россиин уран зохёолшодой холбооной гэшүүн Виктор Балдоржиев гэгшэд баярай үгэнүүдые хэлээ һэн. Номтой танилсуулга түрүүн Шэтэдэ үнгэргэгдэһэн байгаа. Мүнөө Ага тос-хондо эмхидхэгдэбэ. Александр Баринов номтой та-нилсуулгада ерэһэн зондо гэр бүлын зүгһөө халуун баярые хүргөө.

You have no rights to post comments