Суута малшанай мэндэ ябахада, энэ мүрысөөн 2012 ондо түрүүшынхеэ үнгэргэгдэһэн байна. Тэрэ гэһээр хоёр жэлэй нэгэ удаа эмхидхэгдэнэ. Байгша ондо долоодохи мүрысөөн боложо, нааданда дуратайшуулые дахяад суглуулаа. Цырендаши Цыдыповэй үри хүүгэд, аша гушанар, олон тоото түрэлхид сугларжа, мүнхэ дурасхаалай мүрысөө үндэр хэмжээндэ үнгэргөө. Хүндэтэ айлшадай тоодо Цырендаши Цыдыповэй наһанай нүхэр Базаржапова Цыремжит эгэшэ байгаа. Тэрэ нүхэр тухайгаа иигэжэ дурсана: «Цырендашатай 1959 ондо айл бүлэ болоо һэмди. Минии нютаг – Сагаан-Шулуутай. Нүхэрни Бутит эжытэеэ ажахынгаа мянга гаран зуһаг хони харууһалжа байгаа. Би бэри боложо буухадаа, хүдөөгэй хара ажалдань хамһалсажа ороо һэм. Хадам эжы айхабтар ажалша, шанга, бэрхэ байhан. Цырендаши эжыгээ hажаажа, ажалда бэрхээр үндыһэн. Түрүүн һубай хони, һүүлдэ эхэ хонидые хаража эхилээбди. Түрэлгын үедэ хашаарhаа гараха сүлөө забда болохогүй. Гэрhээ үглөөгүүр гараад, үдэшэ харанхы болоhон хойно орохобди. Хашаар соо хонид багтахагүй. 

You have no rights to post comments