Һургуули - ганса эрдэм мэдэсын юртэмсэ бэшэ, түрүүшынхеэ эндэ хүн зонтой харилсажа hуранабди, илаха ба илагдаха гээшые үзэнэбди, нүхэсэнэбди, дурланабди… Түрэл Догойн hургуулиингаа 110 жэлэй ойдо дашарамдуулан, багшанар болон суг хамта hуража, 1983 ондо дүүргэhэн нүхэд тухайгаа дурсаха дуран хүрэнэ.
Бэлэдхэлэй класста бидэниие hайхан сэдьхэлтэй Дугарма Гомбоевна Гомбоева «а» үзэгтэ, тоо бэшэгтэ hургаhан юм. Бултаараа багшаяа газа угтажа, сугтаа кабинет руу орохо дуратай hэмди. 1-дэхи «а» класста Валентина Аюшиевна Ванданова багшатай болообди. Багшамнай нэгэ хэды выпуск гаргаhан, дүршэлтэй байхадаа, ядамаргүй бидэниие нэгэдэн нягтаранги класс болгожо шадаhан. Түрүүшын багшатаяа Шэтэ ошоhомнай тон hайнаар хадуугдаа. Тиихэдэ бидэ поезддо түрүүшынхеэ hуугаабди, зоопаркда байһан хара баабгай, мантан хандагай болон хөөрхэн хэрмэхэн ямар ехэ һонирхол, hайхашаалга асараа hэм?! Экскурси ба хүдөө гаралга ямар hайндэр болодог байгааб! Энэ хадаа байгаали шэнжэлгын ёhотойл хэшээл болодог бэлэй. Тэршээ хүүгэдые hонирхуулжа, дахуулжа ябаха гээшэ багшын талаан бэлиг болоно ха юм.
Субади Доржиевна Цындымеева «б» классай түрүүшын багша байгаа. Түрүүшын багшын харюусалга ехэ. Багшамнай hурагша бүхэнтэй хэлэеэ ойлголсожо ядадаггүй hэн. Ямаршье юумэндэ гажархагүй, шог зугаатай багшатай байhандаа талаантайбди гэхэ байнаб…
Дэлгэрэнгыгээр 21-дэхи дугаарта.
