Могойтын аймагайхидта Федерациин зүблэлэй бэлэг Б.Жамсуев барюулна.
Декабриин 8-да Могойтын соёлой байшан соо аймагай 75 жэлэй ойн баяр үргэн дэлисэтэйгээр үнгэрөө. Могойтын аймаг Агууехэ Эсэгын дайнай hүрөөтэ жэлдэ, 1942 оной декабриин 8-да РСФСР-эй Президиумэй Верховно Зүблэлэй зарлигаар байгуулагдаһан юм. Энэ үдэрhөө аймагай түүхэ эхиеэ абаһан байна.
Баяр ёһололой суглаан дээрэ Могойтын аймагай толгойлогшо Булат Нимбуев элидхэл хэхэдээ, түхэреэн жэлэй туршада hуралсалай, соёлой ба тамирай талаар үнгэргэгдэhэн бүхы хэмжээ ябуулганууд аймагай 75 жэлэй ойдо зорюулагдаhан байна гэжэ тэмдэглээ. Аймагай хүдөө hуурин бүхэндэ Соёлой үдэрнүүд үнгэргэгдэжэ, тэндэ хамтын ажахытай наhаяа холбоhон, алдарта түүхэ зохёон байгуулагшад - хүндэтэ ажаhуугшад, ветеранууд хүндэлэн ёһологдоо. Энэ хадаа аймагай ажаhуугшадта үнэхөөрөө hайндэр болоо, эдэ хэмжээ ябуулгануудта олон үеын могойтынхид хабаадаа.
Могойтын аймагай алдарта ойдо зорюулагдаhан ехэ үзэсхэлэн соёлой байшанай 2-дохи дабхарай танхим соо үргэнөөр дэлгээгдэhэн байна.
Уран гартанай үзэсхэлэндэ.
АЙМАГАЙ ХҮГЖЭЛТЭ ГЭРШЭЛҺЭН ҮЗЭСХЭЛЭН
Эндэ аймагай дабшалта, туйлалтануудые гэршэлhэн, түүхын баян баримтануудтай, арад зоной ажабайдал, соёл, урлал харуулһан олон стенднүүд, экспонадууд, Хүндэлэлэй грамотанууд, дипломууд, алтан гартанай уран бүтээлнүүд элбэгээр табигдаа.
Эсэгын дайнай түлэг дунда РСФСР-эй Верховно Соведэй Президиумэй тогтоолоор ажалша малша, бүхэриг зотой, элдин газартай Могойтын аймагай байгуулагдаха үедэ 2414 могойтынхид дайнда хабаадажа ябаа. Тэдэнэр Баруун фронтын бүридэлдэ эрэлхэгээр дайлалдажа, фашис Германиин эзэмдэгшэдые һүнөөлсэһэн, һүүлээрнь милитарис Япониин булимтарагшадые бута сохилсоhон. Аймшагтай дайсаниие даралсажа ябаһаар, 893 сэрэгшэд дайнай газарта унажа, түрэл нютагаа бусаагүй. Ара талада эхэнэрнүүд, үбгэд хүгшэд, эдиршүүл бэлэгүй ажал хэжэ, Агуу Илалта шэрээлсэһэн. Иигэжэ нютаг оронойнгоо одо заяа дээшэнь үргэлсэжэ, аймагаа дабшахы замдань гаргалсаһан габьяатан олон даа.
Yзэсхэлэнэй баннернүүд дээрэ аймагай hалбаринуудай хүгжэлтэ эли тодоор харуулагдаhан байна.
Дэлгэрэнгыгээр 50-дахи дугаарта
