Хүн зоной ажаһуудалһаа, хэзээшье, оршон тойронхимнай - газар дайда, агаар, уһан бузарлагдана. Тиимэһээ нобшо ноохойдоо дарагдангүй, өөһэдынгөө хойноһоо саг соогоо сэбэрлэжэ, оршон тойронхиёо муухайдангүй байха, нютагаа болбосон түхэлтэй болгохо - иимэ зорилгонуудтайгаар энэ заншалта хэмжээ ябуулга үнгэргэгдэнэ бшуу.
   Энэ ажаябуулгада түбхын түрүүн ТОС-ууд (территориальные общественные самоуправления) хабаадуулагдана. Үнгэрэгшэ жэлдэ тойрогой ТОС-уудай хүсөөр олониитэдэ аша туһатай дала гаран хэмжээ ябуулга үнгэргэгдэһэн байна.
   Ариг сэбэрые сахилгаһаа гадна ТОС-уудай ажаябуулгын нэгэ шэглэл - томо түһөө түсэбүүдые бэелүүлгэ мүн. Жэшээлбэл, Дулдаргын аймагай Табтаанай һууринай «Берёзка» ТОС-ойхид нютагайнгаа стадион һэльбэн шэнэлээ юм. Энэ ехэ хэмжээнэй ажал болон бүхыдөө «Табтаанай» хүдөө һууринай мүнөөдэрэй байдал тухай нютагай захиргаанай толгойлогшо Туяна Лубсановатай хөөрэлдөөн - 8-дахи нюурта.

You have no rights to post comments