Энэ уулзалгада Бэшүүрэй, Мухар-Шэбэрэй, Загарайн, Хориин, Хэжэнгын ба Яруунын аймагуудта тоонтотой хүнүүд урилгаар ерээ. Түрүүн сугларагшад Хориин аймагай «Хун шубуудые угтамжын һайндэр» гэһэн гоё фильмын хэһэг хараһан байна.
   Удаань ажалай габьяа харуулһан Д-Х.Галданова, Г.Дашинимаева, В.Бадмаева, Н.Дашицыренова, Г.Цыбенова ба бэшэнэй фото-дүрэнүүдые экран дээрэ харуулжа, хүтэлэгшэ баян намтартайнь танилсуулаа. Гүнэй нютагта ажаһуудаг, Яруунын аймагһаа гарбалтай Жымбылма Дамбаева, Хэжэнгын аймагай Ородой Адагай Галина Дашинимаева, Хориин аймагһаа эдир наһандаа ерэһэн Римма Дармаева, Мухар-Шэбэрэй аймагай Түгнэ нютагай Нина Дашицыренова гэгшэд баярай үгэ хэлэжэ, залуу наһаяа, суг хүдэлһэн нүхэдөө, мэдээжэ нютагайхидаа дулаанаар дурсаа. Энэ уулзалгада Хэжэнгын аймагайхид тон олоор суглараа. Буряад оронһоо гарбалтай бэреэд музейдэ бэлэг баряа һэн.

You have no rights to post comments