Благовещенск. Хото соогуур залуу эхэнэр (Агымнай басаган) хүнгэн машина жолоодожо ябаба. Хажуугаарнь нэгэ машина үнгэрхэдѳѳ, авто-унааень шударан гаража, тээ тэндэхэнэ ошоод тогтобо. Тогтоһон машинаһаа үндэр шара ород эхэнэр-жолоошон гараад, залуу жолоошон эхэнэртэ һүхирбэ.
- Ши гэмтэйш, хажуу тээшээ болоогүйш! Машиныем заһуула, мүнгэ түлэ! - гэбэ ха. ГАИ дуудаба. Удангүй гаишник ерээд, протокол бэшэхэдээ, залуу жолоошонһоо асууба:
- Нэрэ обогтнай?
- Синица Аюна Бадмаевна, - гэбэ залуу жолоошон.
Гаишник нүгѳѳ жолоошондо хандажа, нэрэ обогыень һураба.
- Куница Любовь Петровна, - гэжэ харюусаба жолоошон.
Тиихэдэнь гаишник ехээр энеэшэбэ. Тэдэнь дураа гутан:
- Юундэ энеэбэбта, наадална гүт?! - гэбэ.
- Үгы, минии обог - Лисица,
- гэбэ гаишник, тиигээд гурбуулаа энеэлдэһэн ха.
Дэлгэрэнгыгээр 3-дахи дугаарта.
