Аркадий Каманин 1943 оной июль соо, 14-тэйдөө У-2 самолёдоор түрүүшынхеэ ниидэһэн. Тэрэ 15 наһатайдаа нейтральна газарта буудуулһан ИЛ-2 штурмовигай лётчигые абаржа, Улаан Одоной орденоор шагнагдаһан. Нүхэд соогоо Летунок гэжэ суурхаһан эдир хүбүүн шэн зоригтой һэн. Даабариһаа бусажа ябахадаа, ойн захада эбдэрһэн Т-34 танк заһажа байһан танкистнуудта буужа, юун хэрэгтэйб гэжэ мэдээд, нөөсэ хэрэгсэлнүүдые, шатаһан шарха аргалха мазь самолёдһоо шэдэһэн байна. 1944 ондо фронтын штаб руу бандеровцүүд добтолоо. Аркадий буудалдаан соо самолёдоороо ниидэжэ үрдеэд, тэдэниие агаарһаа гар гранатануудаар шэдэжэ, туһалха хүсэ ерүүлһэн юм. Тиигэжэ дайсад һүнөөгдөө. Энэ баатаршалгынгаа түлөө эдир лётчик 2-дохёо Улаан Одоной ордендо хүртөө һэн.

Летунок дайсанай ара тала руу оло дахин ниидэһэн байна. Тэрэ 1945 оной хабар Чехиин Брно гэжэ хотын хажуудахи ой соо байһан партизанай отрядта рацида зайн гал болон нюуса дансануудые абаашажа шадаа бэлэй. Тиигэжэ Улаан Тугай орденоор шагнагдаа. 1945 оной түүхэтэ Илалтын жагсаалда 2-дохи Украинска фронтын бүридэлдэ эрхим лётчигуудай тоодо 17 наһатай Аркадий Каманин Улаан талмай дээгүүр алхалһан. Жуковскиин нэрэмжэтэ сэрэгэй-агаарай инженернэ академидэ ороод байтараа, 650 дахин ниидэһэн старшина 18 наһатайдаа амгалан байдалда түргэн саг соо менингидээр үбдэжэ, наһа бараа.Абынь хэлэһээр, дайн гээшэ үхибүүнэй уураг толгойн тэсэхээр бэшэ хүндэ хүшэр байгаа бшуу.

You have no rights to post comments