Ямар ажал эрхилэгдэнэб?

Россиин һайн дураараа туһа хүргэдэг нэгэдэлэй Агын таһагай хүтэлбэрилэгшэ Елизавета Вырупаевагай хүтэлбэри доро волонтёрнууд болон хүнэй хуби заяанда хайхарамжатай эрхэтэд хүшэр байдалда ороһон бүхы зондо туһалдаг юм. Тэдэнэр тэдхэмжэ үзүүлэлгын элдэб акцинуудые ба хүүгэдэй хэмжээ ябуулгануудые эмхидхэдэг. Илангаяа ганса бэе эжынэр болон эрэмдэг хүүгэдтэ туһа хүргэдэг юм. Эрэмдэг хүүгэдэй аргада мүнгэ суглуулалсадаг. Жэл бүри һургуулиин урда тээ «Соберём ребёнка в школу», Хүүгэдые хамгаалгын үдэртэ г.м. акцинууд үнгэргэгдэдэг. Шэнэ жэл угтуулан, «Ёлка желаний» акциин хэмжээндэ хүндэ байдалда ороһон хүүгэд Жабар Үбгэндэ бэшэг бэшэдэг, мүнөө жэл хорёод үхибүүд хандаһан байна. Тиихэдэнь Ага тосхоной волонтёрнууд үхибүүн бүхэнэй бэшэгтэ спонсорнуудые олодог. Үнэтэй бэлэгүүдые Шэтэ хотын спонсорнууд абажа эльгээдэг байна. Тии-гэжэ үхибүүдэй хүсэл бэе-лүүлэгдэдэг юм. Жэшээнь, мүнөө жэл нэгэ хүбүүн квад-рокоптер бэлэгтэ хүртөө. Волонтёрнууд Ага тосхоной Клименко үйлсын 15-дахи гэрэй хаягаар оршодог байшанда склад нээжэ, субботодо хүнэй асарһан хубсаһа хунар, эдеэ хоол г.м. абажа, хэрэгтэй зондо тараадаг. Жэшээнь, долоон хоногой туршада дунда зэргэнь 20-ёод гэр бүлэнэр туһа абадаг юм. Һайн дураа-раа туһа хүргэгшэд нёдондо талын түймэртэ хохидогшодто туһа хүргэхын тула үдэр һүнигүй хүдэлөө. Хубсаһа хунар, эдеэ хоол суглуулаа, тойрогой ажаһуугшадһаа болон ондоо орон нютагуудһаа томо авто-унаануудаар ерэ-һэн туһаламжа складтаа буул-гажа, илгажа, бүридхэжэ, хэрэгтэй зондо дамжуулжа байгаа. Волонтёрнуудай ту-һаар склад соо модон тагууд хэгдээ бэлэй. Элдэб ушарнууд болодог, жэшээнь, нэгэтэ наһатай үбшэн хүндэ һүни түргэн болзор соо эмэй хэрэгтэй болоходо, олон хүн хонходолсожо, тэрэ эмыень оложо, таксигаар гэртэнь абаашажа үгөө бшуу.

«Юундэ волонтёр болоо-биб гэхэдэ, зоной хүндэ хүшэр байдал һанааем зобоодог, тиигээд эдэбхи үүсхэл гаргажа, хүн зондо хамһалсахаяа эрмэлзэдэгби. Тиимэһээ һайн дураараа өөрыгөө волонтёрой ажалда зорюулааб. Энэ ажал олзо оршо асардаггүй, харин өөрыгөө хүгжѳѳхэ олон арга боломжо үгэдэг. Туһа абаһан хүнэй баярай үгэнүүдһээ юун сэнтэй байхаб даа?!» - гэжэ волонтёр Юлия Семёнова хэлэнэ.

Елена Токаревагай хэлэ-һээр, үе-үе болоод лэ оюутад, һурагшад болон хүндэ туһалха сэдьхэлтэй зон элдэб акцинуудта, хэмжээ ябуулгануудта хабаа-дуулагдадаг. Эдээнһээ гадна таһалгаряагүй хүдэлдэг волонтёрнууд бии. Хэд бэ гэхэдэ, Анжела Загайнова, Ольга Жапова, Евгения Якубова, Юлия Семёнова, Екатерина Дымова болон Юлия Шойдокова. Анжела Загайнова үнэн алдарта шажанай сүмын дэргэдэхи воскреснэ һургуулида хүүгэдтэ гарай бүтээл ура-наар хэжэ һурадаг.

Үргэлжэлэлынь №13 дугаарта гараха.

You have no rights to post comments