СССР гүрэнэй иимэ бүхэ техникэ үйлэдбэрилжэ, сэрэгтэ табихые Германиин командовани хүлеэгээгүй байгаа. Дэлхэйн хоёрдохи дайнай үедэ Т-34 танк эгээл эрхим танк гэжэ нэрлээ, СССР-һээ бэшэ гүрэндэ иимэ хүсэтэй техникэ байгаагүй. Энэ танк Харьковска заводто, конструктор Михаил Кошкиной хүтэлбэри доро бүтээгдэһэн байна. Һүүлдэ Ураалда ба Сибирьтэ олоор бүтээгдэдэг болоо һэн. Дайсадай танкнуудай буудахада, Т-34 танкын бүхэ түмэр яадагшьегүй байһан. Эсэгын дайнай һүүлээр СССР-эй Зэбсэгтэ Хүсэнүүдэй бүридэлдэ олон жэлдэ байһан юм. Оршон сагта бага гүрэнүүд иимэ түхэлэй танк зэбсэгтээ баряад байһаар зандаа. Росси гүрэндэ Т-34 танкнууд нангинаар хадагалаатай байдаг. Хүшөөнүүдтэ ба мүзейнүүдэй үзэсхэлэндэ табигдадаг. Агуу Илалтын сэрэгэй буу ба техникын жагсаалда Т-34 танкнууд колонные ударидан гарадаг гээшэ.

You have no rights to post comments