Хоёр зуун жэл – ганса тоо бэшэ. Эндэ хэдэн мянган һүзэгшэдэй хуби заяан, мүргэлэй таһаршагүй утаһан, хэдышье хатуу сагта һүзэгөө алдаагүй хэдэн үеын ламанарай бэлигүүн ухаан юм. Дасан Үбэр Байгалай хизаарай арад зоной оюун ухаанда амидаралайнь зүрхэн, гэгээрэлэй, гүн ухаанай, буддын шажанай баян ёһо заншалнуудые дамжуулһан түб байһан, байһааршье. Хоёр зуун жэл соо дасанай арад зондо түшэг тулгуури болохо үүргэнь хубилаагүй.
Дулаахан, нарата үглөөгүүр Сагаан Дара эхын ордон соо XXIV бандида хамба ламада зорюулагдаһан оюун ухаанай талаар гүнзэгы удха шанартай Мандала үргэлгөөр һайндэр эхилһэн байна. Үнэн сэдьхэлэй буян суглуулга, оршон тойрониие бузарһаа арюудхалга болон бүхы амиды амитадые олон жэлдэ үреэжэ байхын гуйлта хадаа урдын ёһо болоно.
Эдир морин хууршадай нааданай, бүжэгшэдэй угталгын хатарай, уран шүлэгшэн Гомбо-Дугар Болотовой Зугаалайн дасанай магтаал зэдэлүүлһэнэй һүүлээр ойн баярай һайндэрэй нээлгэ үнгэргэгдөө.
Үргэлжэлэлынь "Толон" һониной 2026 оной 36-дахи дугаарта.
