Аяар 1989 ондо Улаан-Баатар хотодо болоһон ехэ концертдэ хабаадаха үедөө СССР-эй арадай артист, һайхан тенор хоолойтой Дугаржаб Дашиев залуу ябаһан А.Энхтайван Б.Будаев хоёрые танилсуулаад, «иигээд нүхэсэгты, хамта дуулажа ябагты» гэжэ захиһан түүхэтэй. Удангүй 1992 ондо артистнартай Д.Занданов хамтаржа, тэрэ гэһэнһээ хойшо хэды олон тоглолтонуудта гурбуулан дуулажа, нүхэсэжэ ябанад.
   «Амар сайн» дуу хатарай театрай тайзан дээрэ Монголой арадай артист Агваанцэрэнгийн Энхтайван, Ород Уласай габьяата артистнар Батор Будаев ба Дамба Занданов гурбан «Хани нүхэдэй дүхэригтэ» уулзабад. Энэ уулзалгада «Амар сайн» театрай дуушад хабаадалсажа, А.Энхтайванай дуунуудые гүйсэдхөө. Анха түрүүшынхеэ Агын тайзан дээрэһээ зэдэлһэн ирагуу һайхан эдэ дуунууд театрай артистнарай репертуарта оробо бшуу. Театрай хатаршад «Тэнгэриин изагуур» кино-зүжэгжэ табигдаһан хатар гүйсэдхэжэ, уулзалгые улам шэмэглээ.

You have no rights to post comments