Эмнэлгын сестрагай бүхэдэлхэйн һайндэр Англиин ниитын хэмжээ ябуулагша, медсестра Флоренс Найтингейлэй түрэһэн үдэртэ тэмдэглэгдэдэг. Тэрэ Крымэй дайнай үедэ (1853-1856) дэлхэй дээрэ хайрын сэдьхэлэй түрүүшын алба эмхидхэһэн юм. Тиин мүнөөнэй эмнэлгын сестрагай ажалай үндэһэ һуури табигша гэжэ тоологдодог.
Б.Будажапова.
Манай Росси гүрэндэ энэ һайндэр 1993 онһоо тэмдэглэгдэжэ эхилһэн. Энэ үдэрөөр дашарамдуулан, Дулдаргын аймагай түбэй больницын эмнэлгын сестра Баирма Будажапова тухай бэшэхэмнай.
Баирма Васильевна Бооржын эмнэлгын училищи 1986 ондо дүүргэжэ, фельдшер мэргэжэлтэй болоһон байна. Һүүлээрнь хубаарилгаар Бооржын түбэй аймагай терапевтическэ таһагта хүдэлжэ эхилээ. Ажалда хүдэлхэдөө, хэдэн аргануудта һураһан байна: һудаһан сооһоо шуһа абалга, шуһанай группа элирүүлгэ, һудаһан, балсан руу ба арһан доогуур тарилга, капельницануудые табилга, дуоденальна зондированиин техникэ, хотын шүүһэ анализта абалга, үбшэнтэниие хотын, бөөрын рентгеноскопида бэлдэлгэ, холецистографи, ирригоскопи г.м.
Бооржын түбэй аймагай больницада терапевтическэ таһагта 1990 оной ноябрь һара болотор хүдэлөөд, Ононой аймагай «Пограничник» хүдөө ажахыда фельдшерээр ороо. Шэтын можын клиническэ больницада хоёр һарын туршада мэргэжэлээ дээшэлүүлээд, физиотерапевтическэ ба процедурна кабинедүүдтэ хүдэлхэ аргатай болоһон юм. Хажуугаарнь нарай хүүгэдые, хээлитэй эхэнэрнүүдые гэртэнь үзэдэг байгаа...
Дэлгэрэнгыгээр 19-дэхи дугаарта.
