Халдабарита тахал үбшэнэй дэлгэрээд байхада, ажаһуугшад гэр бараандаа диилэнхи сагаа үнгэргэнэ.
Гэртээ һууһан эдэбхитэй залуушуул физическэ упражненинүүдые хэжэ, интернет руу оруулжа, челлендж ябуулна. Бэеэ үргэхэ, холые һүрэхэ, турнигта бэеэ татаха, дүтын зайнуудта гүйлдэхэ г.м. упражненинүүдые залуушуул харуулна. Энээниие зон саашань һажаана бшуу. Хамшагай бараг болоходо, гүрэнэй эмхи зургаануудаар ажалда ба хамгаалгада бэлэн (ГТО) гэһэн норматив тушаалга заншалта ёһоор ябуулагдаха юм.
