«Һургуулида 150 гаран хүүгэд һурадаг, тиигээд үхибүүдэй бэеэ һориходо, иимэ хэмэл хушалтатай талмай хэрэгтэй юм», - Агын Буряадай тойрогой Захиргаанай физическэ культура ба тамир хүгжөөлгын таһагай дарга Булат Бальжинимаев тэмдэглэнэ. Һургуулиин хорёо соо воркаут-комплекс болон хүүгэдэй нааданай талмай зохёогдоо. Мүнөө хүүгэд сэбэр агаарта мини-футбол, волейбол, баскетбол г.м. наадаха аргатай болоо.
Универсальна талмай Үбэр Байгалай хизаарай социальна хүгжэлтын түбэй (ЦЭР) хэмжээ ябуулгануудай туһаар баригдаба.Энэ барилгада 3 сая шахуу түхэриг гаргашалагдаа.
«Һаяын үдэрнүүдтэ иимэл талмайнууд Табтаанайда болон Далдарга тосхондо баригдажа дүүрэхэ», - гэжэ «Востокстройсервис» ООО-гой подрядна эмхиин директор Баясхалан Цыбенов тэмдэглэбэ.
Мүнөө жэл Агын тойрогой дэбисхэр дээрэ универсальна 6 талмай баригдана, үйлсын 4 тренажёрно комплекс болон Ага, Могойто тосхонгуудта ГТО-гой нормо тушааха талмайнууд зохёогдоно юм.
Тамирай объектнүүдэй барилга үшөө олон хүниие физическэ культура ба тамираар бэеэ һорилгодо хандуулха бшуу.
