Хамта дээрээ 60 гаран физкультурнигууд долоон хоногой дүрбэ дахин уулзажа, хоёр часай туршада бэеэ һорино. Тосхоной үндэһэн сэсэрлиг, сэсэрлигэй хойгуурхи хадаар, түб стадион соо, Западна хотоной ой соогуур алхалалдажа ябаһан үбгэд хүгшэдые харахаар байдаг. Наһатайшуулай бэеэ һориходонь, бэе махабадынь хүдэржэнэ. 79 наһатай Дашинима Цыденов түрүүтэй бүлэг эдэбхитэд аян замда гарахынгаа урда тээ гимнастика хэжэ, хүл гарайнгаа балсангуудые шангалдаг, бэеэ бэхижүүлдэг гээшэ. Бүлэгэй гэшүүд Баясхалан Гончикжапов, Тамара Жамцоева, Дашицырен Далаев, Николай Эрдынеев ба бусад эгээл эдэбхитэйгээр хабаададаг байна.
Э.ДОРЖИЕВ.
