Байгша оной апрель һара тамирай һайндэрнүүдээр элбэг байхань.
Апрелиин 11-һээ Алас Дурнын федеральна тойрогой шанда хүртэхын түлѳѳ 13 наһа гүйсөөдүй хүбүүд ба басагад столой теннисээр мүрысэжэ байна.
Апрелиин 15-да түгэсэхэ мүрысөөн Ага тосхоной физкультурно-элүүржүүлгын «Баатар» түб соо эмхидхэгдэнэ. Заншалта мүрысөөндэ Алас Дурнын 7 нютагай теннисистнүүд хабаадана. Мүрысөөндэ Владивосток хотоһоо мэдээжэ тамиршан Г.Кан уригданхай. Тэрэ мүрысөөнэй ахамад шүүгшээр ажаллана.
Апрелиин 15-18-ай үдэрнүүдтэ Ага тосхоной Западный хотоной «Бүргэд» тамирай байшан соо 16 наһа гүйсөөдүй хүбүүд ба басагад Алас Дурнын федеральна тойрогой шанда хүртэхын түлөө дүрэ буляалдаата барилдаагаар мүрысэхэнь. Эдиршүүлэй мүрысөө үндэр хэмжээндэ эмхидхэхэ талада бүхы асуудалнууд шиидхэгдэнхэй. СOVID-19 үбшэнэй һүжэр-һэн ушарһаа хабаадагшадай нарилха талаар шанга эрилтэнүүд табигдана. Һоригшодто, мүрысөө шүүгшэдтэ тарилга абаһан үнэмшэлгэтэй байхань шухала.
Мүрысөөнэй илагшад май һарада Наро-Фоминск хотодо үнгэргэгдэхэ Россиин мүры-сөөндэ хабаадаха эрхэтэй болохо юм. Хизаарай дүрэ буляалдаата барилдаанай федерациин юрэнхылэгшэ Дашинима Батоболотовой мэдээсэһээр, тойрогой эдир барилдаашад Ага тосхондо сугларжа, олон хоногой туршада һорилго хээ.
Э.ДОРЖИЕВ.
