Агын тойрогhоо гарбалтай Арсалан Будажапов эндэ hая бүхэ барилдаагаар дэлхэйн чемпионадта 3-дахи hуури эзэлээ. Түс мүрысөөн сентябриин 10-hаа 18 болотор Сербиин Косово түб хотодо үнгэргэгдөө.
Арсалан Будажапов Согто-Хангил нютагай, 1993 оной юм. 2019 онһоо Киргизиин можын бүридэлдэ орожо, 79 кг шэгнүүртэ барилдаад 2021 ба 2022 онуудта бүхэ барилдаа-гаар Киргизиин чемпионадта түрүү һуури эзэлhэн. 2020 ба 2022 онуудта Азиин чемпионадта 1-дэхи ба 3-дахи һууринуудые абаа. Мүнөө бүхэ барилдаагаар дэлхэйн чемпионадай түрүүшын тулалдаанда Франциин, Таджикистанай барилдаашадые диилээд, Америкын 6 дахин дэлхэйн абарга болоhон Джордан Барроузта шүүгдээ. Сентябриин 16-да туркмен барилдаашание илаад, Болгариин можын барилдаашан Али-Паша Умарпашаевтай 3-дахи һууриин түлөө хибэс дээрэ 5:1 дүнтэй илаба.
Амгалан ДАРЖАЕВ.
