Сентябриин 16-да Агын түб стадион дээрэ hурагшадай хоорондо Улаан Одоной орденой кавалер Никон Комогорцевой дурасхаалта шангай түлөө футболоор XI нээмэл турнир үнгэргэгдөө.
Ага тосхоной захиргаанай толгойлогшын финансово-экономическа асуудалай талаар орлогшо, финансын комитедэй түрүүлэгшэ О.Дармажапова, Агын тойрогой Захиргаанай хүтэлбэрилэгшын орлогшо Б.Будаева, Агын тойрогой «Боевое братство» эмхиин гэшүүд, Н.Комогорцевой эгэшэнэрынь Анна Алёна хоёр, суг hураhан дүтын нүхэр О.Кузиков гэгшэд баяр ёhололдо хабаадалсаа.
Мүрысөөнэй дүнгүүд гэхэдэ, 1-дэхи hуури – Могойтын аймагай можо, 2-дохи hуури – Ага тосхоной можо, 3-дахи hуури Дулдаргын аймагай можо эзэлбэ.
«Эрхим добтологшо» тусхайтайнда А.Мункуев хүртөө, «Эрхим бомбардир» – Р.Жалсанов, «Эрхим вратарь» – С.Балданов, «Эрхим наадагша» – Д.Бальжиров, «Эрхим хамгаалагша» – А.Сенотрусов, «Эгээ сэнтэй наадагша» – З.Тугдумов, «Эгээ уридшалан хараалhан (перспективный) наадагша» – Д.Николаев. Эгээ эдир наадагша Б.Лхундупов болоо. Д.Дабаев эрхим hоригшо гээд тодороо. Илаhан можонууд мүнгэн шанда, грамота болон медальда хүртөө. Дамжуулгын кубок Ага тосхоной можоhоо Могойтын аймагай можодо дамжуулагдаа. Турнирай спонсорнууд – Ага тосхоной захиргаан, Н.Комогорцевой түрэлхид ба үетэн нүхэд.
Амгалан ДАРЖАЕВ
