А.Дондоков, Ц.Анандаев.
А.Дондоков, С.Цыденов.
Ц.Намсараев, С.Жигжитова.
Дурасхаалта мүрысөөн үндэр хэмжээндэ эмхидхэгдээ. Мүрысөө нээлгэдэ бүлэг зондо баярай бэшэгүүд, мүнгэн шангууд барюулагдаа. Үнгэрэгшэ жэлэй дүнгүүдээр, Шэтэ хотодо олимпийцүүдые бэлдэдэг тамирай 1-дэхи һургуулиин багша Ким Дабаев хизаарай эрхим һоригшо болоо. Тэрэ Россиин мүрысөөнэй илагша Содном Будаевые бэлдэһэн байна. Шэтэ хотодо һоригшоор ажалладаг Цыржин Доржиева эхэнэрнүүдэй хоорондо хизаарай эрхим һоригшо болоо. Цыржин Базаровна Россиин мүрысөөнэй илагша болоһон Татьяна Плотникова тамиршаниие хүмүүжүүлһэн. Агын аймагай Урда-Ага нютагта һур харбаанай секциин һоригшо, уласхоорондын классай тамирай мастер Согто Цыденовтэ хизаарай һур харбаанай федерациин зүгһөө «Залуу перспективнэ һоригшо» гээд юрэнхылэгшэнь Ананда Дондоков шагнал барюулаа. Мүн Россиин габьяата һоригшо Цыден Анандаевые 60 наһанайнь тэбхэр ойгоор амаршалаад, эбэр номо бэлэглээ.
Мунко-Бадра Дашицыреновэй нүхэр, Россиин габьяата һоригшо Светлана Жигжитовада абань Мунко-Бадра хүрьгэнэйнгөө дүрэ зураг үнихэн зураад хадагалжа байһанаа, Сагаан-Уулын музейдэ бэлэглэхыень үгэһэн байба. Тэрэнииень нютагай захиргаанай толгойлогшо Ц.Намсараевта барюулаа.
Эрдэни ЧИМИТДОРЖИЕВ.
