Бальжинима Мажиев багадаа үншэржэ, ажабайдалай бэлэгүйе бэеэрээ амсаһан байна. Аба эжын энхэрэл мэдэрээгүй, хүйтэ нойтые, гэдэһээ үлдэхые үзэжэ, багаһаа шэрхи бороор үндыһэн. Хара залууһаа ажахын хүтэлбэрилэгшэ боложо, арад түмэниие шадамар бэрхээр ударидажа ябаа. Тэрэнэй хүтэлбэри доро Кировэй нэрэмжэтэ ажахы гүрэн дотороо эгээл урдалхуу ажахынуудай нэгэн болоһон юм. Иигэжэ хамтын ажалай түлөө оролдожо, амар заяагүй ябадаг байгаа. Хара-Шэбэр нютагай хамтын ажахые дүшөөд жэлэй туршада хүтэлбэрилһэн, арад зонойнгоо дунда аргагүй ехэ ажалаараа суурхаһан. Эсэгэ ороно хамгаалгын Агууехэ дайнай үедэ Бальжинима Мажиевич дайсадтай эрэлхэгээр тэмсэжэ, Улаан Одоной хоёр орденоор ба олон медальнуудаар шагнагдаһан. Хүдөө ажахын ба олониитын хүгжэлтын хэрэгтэ бэеэ сүм зорюулһан Б.Мажиевай нэрэнь арад зоной дунда мартагдашагүйгөөр хадуугдан үлөө. Ажалайнь баатаршалга залуу үетэндэ үльгэр жэшээ болодог.

You have no rights to post comments