Заншалта мүрысөөн Агуу Илалтын 80 жэлдэ, Эсэгэ ороноо хамгаалагшадай жэлдэ зорюулагдаа. Хоридохи мүрысөөндэ Саха-Яхад, Тыва, Буряад уласуудһаа, Новосибирскын, Эрхүүгэй можонуудһаа, Үбэр Бйгалай хизаарһаа дүн хамта 402 тамиршад хабаадаа. Тэрэ тоодо габьяата 4, уласхоорондын тамирай 27, тамирай 62 мастернууд мэргэнүүдээ элирүүлээ. Хүндэтэ айлшад, тэрэ тоодо сенатор Баир Жамсуев, Россиин һур харбаанай федерациин юрэнхылэгшэ Зоригто Манханов ба бусад зон уригдажа, мүрысөөнэй нээлгын баяр ёһолол шэмэглээ. Энэ жэлдэ илагшадта горитойхон шангууд барюулагдаа. Заншалта мүрысөөн дахяад үндэр хэмжээндэ үнгэргэгдэһэн байна. Илагшад Россиин мүрысөөндэ хабаадаха эрхэтэй болоо юм.

You have no rights to post comments