Һүдэнтэ нютагай Адушиин Аюрзана Агын түрүүшын врач Лыксок Жабэн хажууда санитараар ажаллажа эхилээд, санэпидстанцида дезинфекторээр хүдэлһэн юм. Наһанайнь нүхэр Долгор Гуруева больницада санитаркаар хүдэлһэн. Энэ бүлэ Согто-Хангилай Гүрын Галсан дүү хүбүүнтэнһээ Нина басагыень үргэжэ абаһан байна. Басаган багаһаа өөрэ, һү-бэлгэн, шуранаар үндыгөө. Мүнөө байһан эмнэлгын колледжын һуурида больница байгаа, тэдэнэй гэр хажуудань оршодог һэн. Жааханһаа эжынгээ ажалда ерэжэ, Нина басаган залуу врачнуудые ехэ һайхашаадаг бэлэй. Һайн ажал, зониие аргалхаяа заатагүй врач болохоб гэжэ һанадаг байгаа. Тэрэ үедэ гүрэнэймнай баруун зүгэй хото городуудһаа врачнууд ерэжэ хүдэлөөд лэ ошодог байһан. Врачнуудай нэгэн басаганда Нина гэжэ нэрэ үгэһэн ха. Тиихэдэ Шэтэдэ эмнэлгын дээдэ һургуули һаял нээгдэжэ, нютагаймнай хүбүүд, басагад һуража байгаа.  Тодорхойгоор "Толон" һониной №29 дугаарта уншахаар байха.

You have no rights to post comments