Эдэ 9 багшанарай тоодо Агын Буряадай тойрогой 3 багшанар ороно. Хэд бэ гэбэл, Могойтын 2-дохи дунда һургуулиин түүхын багша Ирина Жамбалова, Гүнэйн һургуулиин эхин шатын классуудай багша Гэрэлтэ Цырендашиева, Агын 2-дохи дунда һургуулиин буряад хэлэнэй ба литературын багша Гоохон Цыренжапова.
Гадна Агын Буряадай тойрогой 3 багшанар региональна бюджедһээ шангуудые абаха. Эдэ хадаа Сахюуртын дунда һургуулиин физикын багша Соёлма Жамбалова, Алханын һургуулиин англи хэлэнэй багша Ирина Базарова, Дулдаргын 2-дохи дунда һургуулиин ород хэлэнэй ба литературын багша Цыренжап Дондокова гэгшэд болоно.
Жэл бүри федеральна конкурсын илагшад 200 мянган түхэригэй шанда хүртэдэг, региональна бюджедһээ – 100 мянган түхэригтэ.