Конкурс хоёр шатада: заочно болон дистанционно аргаар үнгэргэгдөө. Заочно шатада хабаадагшад хэдэн шалгалта гараа, тэдэнэй тоодо «Учитель - герой нашего времени?» сэдэбээр эссе зохёогоо ба «Видеовизиткэ» бэлдээ.
Заочно шатын дүнгүүдээр, 9 багшанар финалда гараhан байна. 2-дохи шатын 1-дэхи турта багшанар нээмэл хэшээл үнгэргөө ба мастер-класс харуулаа. Дүнгүүдээрнь, шалгарһан 5 багшанар шадабарияа, мүнөөнэй байдалда багшын ажалай хүгжэлтэ өөрынгөө харасаар харуулhан байна.
«Конкурсдо хабаадалга – мэргэжэлээ дээшэлүүлхэ эгээ эрхим hургуули. Мүнөө үеын залуу багшанарта шадабарияа харуулхань шухала, энэ хадаа тэдэнэй мэргэжэлэй талаар ургаха түлхисэ үгэдэг юм», - гэжэ Бальжинима Аюшиев тэмдэглэнэ.
Илагша Бальжинима Аюшиевтэ баярай бэшэг, мүнгэн бэлэг барюулагдаа.
Нордоп БАБУЕВА.
