- Хотын һургуулиин хүүгэдтэ хальмаг хэлэ заахада ямар бэ?
- Хальмаг хэлэ заахань хүндэ, юуб гэхэдэ түрэл хэлэеэ алдажа байнабди. Гэртэхин хүүгэдэйнгээ хэшээлдэ абаһан эрдэм мэдэсыень бэхижүүлдэггүй, гэрэй даабаридань туһалха аргагүй, олонхинь түрэл хэлэеэ мэдэнэгүй. Тиимэһээ багшанар ехэ ажалтай. Һурагшын гэртээ ерээд, һургуулидаа үзэһэнөө дуратайгаар наадангаа бэхижүүлхэ даабари үгэхэ ёһотойбди. Тиимэһээ элдэб янзын онол аргануудые хэрэглэхые оролдонобди.
Мүнөө хэлэеэ хүгжөөхэ бүхы эрхэ нүхэсэл зохёогдонхой. Эршэмтэйгээр (интенсивно) үзэхэ һуури табигданхай, нэмэлтэ курснууд, хэшээлнүүд, предмедээр хүмүүжүүлгын ажал хэгдэдэг.
- Хэшээлһээ гадуур ямар хэмжээ ябуулганууд эмхидхэгдэдэг бэ?
- Һургуулиин эхилэмсээр, сентябриин 5-да Хуушан хальмаг бэшэгэй үдэр тэмдэглэгдэдэг. Энэ үдэрһөө олон хэмжээ ябуулгануудтай хальмаг хэлэнэй декада эхилдэг. Сентябрь һарын түрүүшын 10 үдэр бидэ хуушан хальмаг бэшэг идхалгын ажал эмхидхэдэгбди. Мүнөө маанадта каллиграфи бии, хуушан хальмаг бэшэгээр олимпиада үнгэргэгдэдэг.
(Үргэлжэлэлынь 23-дахи дугаарта).
Нордоп БАБУЕВА.
