Хэмжээ ябуулга һургуулияа дүүргэгшэдэй вальс хатараар эхилээ. Нэн түрүүн һуралсалай олон жэлдэ шабинараа, хүүгэдээ дэмжэжэ, бэрхэшээлнүүдые дабаха, илалта туйлаха хэрэгтэнь туһалжа ябаһан багшанартань, гэртэхиндэнь баярай үгэнүүд хэлэгдээ.
   Агын Буряадай тойрогой Захиргаанай хүтэлбэрилэгшын уялга дүүргэгшэ Базар Дугаржапов тойрогой Захиргаанай, Түлөөлэгшэдэй Суглаанай зүгһөө һуралсалда тусгаар амжалта туйлажа, алтан, мүнгэн медальнуудта хүртэһэн һурагшадые амаршалаа. Дээдэ мэргэжэлтэй боложо, түрэл тойрогоо бусахыень хүлеэжэ байха, суг хамта Үбэр Байгалайнгаа хизаар хүгжөөхэ тухай хэлээ. Сенатор Баир Жамсуев гэртэхиниие, багшанарыень ургажа ябаһан залуу үетэнэй хүмүүжэлдэ ехэ хубитаяа оруулһанайнь түлөө баярые хүргэбэ.

You have no rights to post comments