Байгша оной мартын тэндэ Үбэр Байгалай эрхим багшын, эрхим хүмүүжүүлэгшэдэй нэрэнүүд элирээ бэлэй. «Учитель года Забайкалья-2017» нэрэ зэргэдэ хүртэһэн Агын 2-дохи дунда һургуулиин тоо бодолгын багша Соёлма Эрдэмовна Батоболотова тухай 13-дахи дугаарта мэдээсэһэн байнабди, мүнөө сэсэрлигэй хүмүүжүүлэгшэдэй мүрысөөндэ гурбадахи һуури эзэлһэн Агын аймагай Амидхааша һууринай «Номин» хүүгэдэй сэсэрлигэй хүмүүжүүлэгшэ Д.Н.Дондоковатай танилсуулая.
ХЭЖЭНГЫН АЙМАГҺАА УГ ГАРБАЛТАЙ
Дарима Нимаевна Буряад ороной Хэжэнгын аймагай Могсохон һууринда 1978 ондо түрэһэн. Бодонгууд омогой юм. 2000 ондо Буряадай гүрэнэй багшанарай дээдэ һургуулиин буряад хэлэнэй факультедэй ород хэлэнэй таһаг дүүргэһэн.
Могсохон нютаг Хэжэнгэһээ зүүн тээшээ 40 модоной зайда номгохон Худан голой эрьедэ оршодог, Шалсаана Буурал Баабай сахюусантай, дүрбэн тээһээ ой модоор хүреэлэгдэнхэй юм. Тэндэ хэдэн яһатан эбтэй эетэйгээр ажаһуудаг: олонхинь буряад, тиихэдэ татар, ород, удмурт. Дарима Дондокова тоонто нютагаа жэлэй хоёр дахин заабол ошоод, аба эжыгээ эрьеэд ерэдэг.
Нүхэрынь Агын аймагай Амидхааша нютагhаа уг гарбалтай, энэ гэр бүлэ хоёр үхибүүдтэй, хүбүүниинь 11-тэй, басаганиинь 9-тэй. Һонин гэхэдэ, хоёр хүүгэдынь абынгаа заабаряар аба эжыгээ «аба, эжы» гээд нэрлэдэг. Агада нютагжаһаар, 12 жэл болобо. Үргэн талатай Ага нютаг һая ерээд байхадаа, түрүүшээр ой модо үгылдэг байгаа, мүнөө жэлнүүд үнгэржэ, дадаһан ха...
Дэлгэрэнгыгээр 21-дэхи дугаарта.
