Январиин 26-да Агын Буряадай тойрогой Захиргаанай жэлэй дүн таталгын суглаан үнгэргэгдэбэ.

Бато Доржиев элидхэл хэнэ.

Тойрогой дэбисхэр дээрэ үнгэргэгдэдэг хүдөө һуурингуудай ба тосхонгуудай, аймагуудай, тойрогой захиргаануудай тоосоото суглаануудта хүндүүлхэй асуудалнууд тобойлгогдожо, тэдэниие шиидхэхэ замуудые шэнжэлэлгэ, ерэхэ жэлэй түсэбүүдые табилга заншалта болонхой.

Суглаанда хабаадагшад үглөөнһөө экономикын, хүдөө ажахын болон социальна һалбариин секцинүүдтэ ажаллаа. Аминдаа графигаар академик, экономист Абел Аганбегянай хүтэлбэри доро Россиин Эрдэмүүдэй академиин эрдэмтэдтэй уулзалганууд болоһон байна.

Хэмжээ ябуулгын үргэлжэлэлдэ «Территориальное общественное самоуправление Агинского Бурятского округа» гэһэн үзэсхэлэнэй ба «Агинский Бурятский округ-2017» гэһэн фото-үзэсхэлэнэй нээлгэ боложо, грантда хүртэһэн ТОС-уудай хүтэлбэрилэгшэдтэ сертификадууд болон баярай бэшэгүүд барюулагдаа.

Үдын хойно дүн таталгын суглаан пленарна зүблөөгөөр түгэсэһэн байна.

Дэлгэрэнгыгээр 5-дахи дугаарта.

 

 

You have no rights to post comments