. Жаахан Эрдэм авто-машинаар наадана, харин хажуудань абань диван дээрэ хурхирна. Тиигээд хажуу тээшээ эрьелдээд, хурхирхаа болишобо.
- Эжы, абамнай унтаршоо бэшэ аа гү, дахин ябуулхаар болоо.

Балта шүдөөрөө урюгай яһа ушаргүй бисална. Абань хэлэбэ:
-Хүбүүм, яһануудые алхаар тоншодог юм, үгы һаа шүдэеэ хухалхаш!
- Хамаагүй, Балдан абгынхида адли түмэр шүдэнүүд ургана ааб даа.

Үйлсэдэ нохойн гурбан гүлгэд уулзаад, хѳѳрэлдэжэ эхилбэ.
- Тяф! – гэбэ нэгэниинь.
Нүгѳѳдэнь:
- Гав! – гэжэ харюусаба.
- Мяу-у-у… - гэжэрхибэ гурбадахинь.
Нүгѳѳ хоёрынь нюдѳѳ бэлтылгэжэ, тэрээн руугаа асуун-гяар хаража:
- Ухаагаа муудашоо юм аабши? – гэлдэбэд.
- Үгы, нүхэд, битнай хари хэлэ шудалжа байнаб.

Хүүгэдтэ юумэ ойлгуулхадаа, заримдаа урда сагтай жэшэжэ хэлэдэгбди. Жэшээнь:
- Тэрэ сагта зарим айлда телевизор хомор, компьютершье үгы байгаа. Мүнѳѳ бүхы юумэн бии: наадхуур элбэг, үнгэтэ телевизор, компьютер, смартфон, планшет…
Эрдэм шагнажа, шагнажа асууба:
- Эжы, тиихэдээ тэрэ сагта таанадай нюдэн хара сагаанаар харадаг байгаа гү?

Телефонойтнай хэлхеэ холбоогүй газарта ороод, тантай хѳѳрэлдэхэ аргагүй болоходоо, гэртэхинтнай иимэ бодолнуудта абтадаг ха:
2% - «батарейкэнь hуугаа»;
49% - «муу юумэндэ ороо»;
49% - «үхэшоо».
Харин дуратай басагадай
2% - «батарейкэнь hуугаа»;
98% - «энэ тэхэ ондоо басагантай hалихайралдажа байна».

 

You have no rights to post comments