Б.Болотова (зүүн гарһаа), И.Чимитова, П.Лубсанов (4-дэхи).
Буряад хэлэнэй һарын хэмжээндэ ба Жамьян Балданжабоной нэрэмжэтэ тойрогой уран зохёолой нэгэдэлэй байгуулагдаһаар 70 жэлдэ зорюулагдаһан, эхилжэ найруулагшадай дунда үнгэргэгдэһэн «Алтан үлгы - Агамнай» гэһэн конкурсдо хабаадаһан Сахюуртын дунда һургуулиин һурагшадай туршалгануудые дурадхаха хүсэлтэйбди. Эдэ һурагшадые Сахюуртын дунда һургуулиин буряад хэлэнэй ба литературын багша, «Сахюурхан» уран зохёолой кружок ябуулдаг Билигма Баторовна Болотова бэлдэһэн байна.
Инга ЧИМИТОВА
Хайратайхан ном
Таһархай ном хэбтэнэ.
Хайратай нюдѳѳр харана.
Үхибүүд тэрэниие гартаа абаад,
Хуудаһануудыень няажа абарба.
Һонорхон нюдѳѳр хаража,
Хүхюутэйхэн болоно.
Хүүгэдтэ һургаал заажа эхилбэ.
«Намайе һайнаар абаад ябыт даа», - гэжэ гуйба.
Пурбо ЛУБСАНОВ
Алдуутайгаар бэшэдэг хүбүүнэй нэрэһээ
Үүдэн гэжэ бэшэхэ аад,
Үдэн гэжэ бэшээд,
Багшаяа ехээр гайхуулба,
Нүхэдѳѳ ехээр хүхеэбэ.
Үүлэн гэжэ бэшэхэ аад,
Үлэн гэжэ бэшээд,
Үгын удха ондоо болгоод,
Ѳѳрѳѳшье ойлгожо ядаба.
Үгэ шагнажа һурая,
Удхыень ойлгодог болоё,
Буряадаараа ото уншажа,
Бултадаа хѳѳрэлдэжэ ябая!
Дэлгэрэнгыгээр 47-дохи дугаарта
