Официальный сайт Всебурятской газеты "Толон"

Информация о материале
Категория: Һүүлэй һонин
Просмотров: 279

   Июниин 25-да Улаан-Баатарта Монгол Уласай Юрэнхылэгшын тушаалдаа ороһоной ёһолол үнгэргэгдэжэ, июниин 9-эй һунгалтада олоной дуу абаһан Ухнаагийн Хүрэлсүх Халтмаагийн Баттулгын гарһаа түрын тамга абаба. 

   Монгол гүрэнэй 6-дахи юрэнхылэгшэ болоһон Хүрэлсүх угсаатанайнгаа үндэһэн сайбар дэгэл үмдөөд, Монголой Конституци дээрэ гараа табижа, арадтаа үнэн сэхээр алба хэхэ, гүрэнэйнгөө аюулгүйе, бэеэ даангиие хамгаалха, хүн зоной эрхэ сүлөө хүндэлхэ г.м. тухай тангариг үгөө.
Удаань түрын дуулал зэдэлээд, һунгагдаһан юрэнхылэгшэ үгэ абажа, саашадаашье арадшалалга болон хуули сахилга хүгжөөхэ бодолнуудтаяа хубаалдаа гээд centralazia.media сайт мэдээсэнэ.

Добавить комментарий

Информация о материале
Категория: Һүүлэй һонин
Просмотров: 241

   Мүнөө жэл Цыбен Жамцараногой нэрэмжэтэ хизаарай номой сангай хүүгэдэй таһагта «Лидер чтения-2021» гэһэн акци үнгэргэгдөө.

   Номой сангай хүдэлмэрилэгшэд эгээ ехээр ном уншадаг, эдэбхитэй, юумээр һонирходог уншагшадые элирүүлхын түлөө тэдэнэй формуляртай танилсаһан байна. Тиигэжэ дүнгүүдые гаргаа. Агын 3-дахи дунда һургуулиин 3-дахи ангиин Валерия Табхаева, Агын 4-дэхи һургуулиин 7-дохи ангиин Артём Брюхов, Агын тойрогой гимназиин Алима Надцалова, Аягма Гончикжапова болон Агын 3-дахи һургуулиин 9-дэхи ангиин Алина Курбатова гэгшэд илагшад гэжэ тодороо. Эдэ үхибүүд эгээл олон ном уншаа. һуралсалай программаhаа гадуур тэдэнэр өөрынгөө дуратай номуудые уншаһан байна.
   Үшөө Агын 1-дэхи һургуулиин 5-дахи ангиин һурагшадые тэмдэглэхээр (багшань – Саяна Дагбаева). Тэдэ жэлэй туршада уншалгын танхим руу ерэдэг, номой сангай элдэб конкурснуудта болон хэмжээ ябуулгануудта эдэбхитэйгээр хабаададаг байгаа.

Добавить комментарий

Информация о материале
Категория: Һүүлэй һонин
Просмотров: 269

   Суута эрдэмтэн Цыбен Жамцаранодо хүшөө барилгаар эмхидхэлэй хорооной зүблөөн июниин 24-дэ үнгэргэгдөө.

   Ц.Жамцараногой нэрэмжэтэ хизаарай номой сангай директор Дарима Дарижаповагай тэмдэглэһээр, энэ номой сангай хорёо соо хүшөө барилгада Агын тойрогой ажаһуугшадһаа 880 мянган түхэриг ороо. Мүнөөдэрэй байдалаар, хүшөөгэй талмай болон һууринь бэлэн, ханань хэгдэжэ байна. «Лотос» эмхи бюст бүтээгээ. Россиин Федера-циин хүндэтэ архитектор Болот Дондоков хүшөөгэй түлэблэл зохёоһон юм. Хүшөө нээлгэ июлиин эсэстэ түсэблэгдэнхэй.
   Ц.Жамцараногой нэрэмжэтэ хизаарай номой сан Үбэр Байгалай хизаарай губернаторай грант шүүжэ, хүшөө бариха болоо һэн. Түлэблэл хадаа Агын Буряадай тойрогто тоонтотой, ниитэ болон политическэ ажаябуулагша, СССР-эй Эрдэмүүдэй Академиин член-корреспондент, хэлэ бэшэгэй эрдэмүүдэй доктор Цыбен Жамцараногой дурасхаал түүхэдэ үлөөхэ зорилготойгоор бэелүүлэгдэнэ бшуу. Мүнөө жэл Цыбен Жамцараногой түрэhөөр 140 жэлэй ой тэмдэглэгдэнэ.
   Агын Буряадай тойрогой Захиргаанай хүтэлбэрилэгшэ Буянто Батомункуев хүшөөгэй хажуудахи дэбисхэр болбосон түхэлтэй болгохо талаар мүнгэнэй гарша тоолохые даалгаа.

Добавить комментарий

Информация о материале
Категория: Һүүлэй һонин
Просмотров: 222
Добавить комментарий

Информация о материале
Категория: Уран зохеол
Просмотров: 585

Уг гарбалта
Ууган буряад арадни
Үни холын
Үбгэ эсэгын hургаалтай.
Элинсэг хулинсаг
Эмгэн эхын орхиhон
Эгээл нангин
Эбдэршэгүй хатуу заяатай.

Подробнее... Добавить комментарий