Информация о материале
Категория: Суг энеэлдэе
Просмотров: 17

Ангууша нохойнууд уулзаад шашалдажа байна:
- Эзэнтэеэ нэгэ удаа агнуурида ябахадамни, гэнтэ урдаһаамнай баабгай гаража ерэшэбэ гээшэ. Теэд эзэмни – тэнэг тархи – гэртээ буугаа мартажархиһан байшоо. Тиихэдэнь яахаб? Аһашоол һэн бэзэб даа...
- Өө, шимнай яагаа шанга юмши?
- Шангаш гэжэ дээ... Буугаа мартажархёоб гэхэдэнь, сухалдангүй яахабиб даа…

Добавить комментарий

Информация о материале
Категория: Суг энеэлдэе
Просмотров: 781

Өөрыгөө дээгүүр һанаһан, һөөл һуби болодог Балдарма Барбуевна нүхэдөө гэртээ урина:
- Манайда айлшалаарайгты. Үглөөдэр хүлеэжэ байхаб. Гэрэймнай үүдэнэй хонхо эбдэрэнхэй. Тиимэһээ хүлөөрөө шангаар тоншооройгты, - гэбэ.
- Юундэ заабол хүлөөрөө тоншохо юмбибди? – гээд нүхэдэйнь нэгэн асууба.
- Теэ, айлшад айлда ерэхэдээ, хооһон гартай ородоггүй ха юм. Тиимэһээ хүлөөрөө тоншохо бэзэт, - гэжэ тэрэ харюусаба.

Добавить комментарий

Информация о материале
Категория: Суг энеэлдэе
Просмотров: 1340

Түрүүшынхеэ машинаар ябажа байһан эхэнэртэ нүхэрынь хонходоно:
- Болгоомжотой ябаарай даа. Радиогоор нэгэ галзуу хүн урасхалһаа, түргэн ябажа байна гэнэ.
- Бурха-аан... - гэжэ харюудань дуулдаад дүүрэшэбэ.

 

Багахан хүбүүн наймаа ороод, наймаашанһаа һураба:
- Абгай, яабалха хэдытэб?
- 210 түхэригтэ.
- Нэгэ килограмм абанаб. Нэгэ нэгээр пакедүүд соо хээд үгөөрэйгты.
- Апельсин хэдытэб?
- 250 түхэригтэ.
- Нэгэ килограмм үгыт. Баһал нэгэ нэгээр пакедүүд соо хээрэйгты.
- Һамар хэдытэб?
- Хүбүүн, зайла эндэһээ!

Добавить комментарий

Информация о материале
Категория: Суг энеэлдэе
Просмотров: 1238

Гурбадахи ангиин Доржо гэртэхиндээ хэлэбэ:
- Аба, эжы, һургуулиин захирал багахан суглаанда урина.
Абань:
- Юундэ багахан?
Доржо:
- Тэрэ суглаанда захирал болон бидэ гурбан хабаадаха хабди.

Добавить комментарий

Информация о материале
Категория: Суг энеэлдэе
Просмотров: 1236

Балма эжыдээ хэлэнэ:
- Мүнөөдэр сэсэрлигтээ басагад муугаар байгаа.
- Яагааб?
- Тэдэ сэнгэхэеэ гарахадаа, хорёогой забһараар тархияа хабшуулжархёо.
- Ши тиигэжэ байгаагүй юм бэзэш даа?
- Үгы, минии тархи багтаагүй.

Добавить комментарий