ЭРДЭМ МЭДЭСЭЕЭ ДЭЭШЭЛҮҮЛДЭГ
Эдуард 1986 оной июниин 9-дэ Эрхүүгэй можын Нүхэдэй аймагай Шараты нютагта Александр Дмитриевич ба Эльвира Михайловна хоёрой гэр бүлэдэ 4 хүүгэдэй хоёрдохинь боложо түрэhэн. Дунда һургуулиин һүүлээр Ивалгада Үбэр Байгалай арадуудай заншалта урлалай лицей дүүргэжэ, түмэрөөр уран hайханай бүтээлнүүдые хэдэг мэргэжэлтэй гараа. 2009 ондо Улаан-Үдэдэ Зүүн Сибириин соёлой ба урлалай гүрэнэй академи «Шэмэглэлэй гар урлал ба арадай олзобори» гэhэн мэргэжэлээр түгэсхэһэн байна. Эдуард Александровичай зохёохы ажалай гол янза хадаа түмэр болбосоруулга, буряад гоёолтонуудые болон үндэhэн байдалай хэрэгсэлнүүдые hэргээлгэ, мүнөөнэй үндэhэн урлалай бүтээлнүүдые байгуулга болоно. Харганын уран hайханай арадай олзобориин үндэhэн түбтэ 2011 онһоо уран зурааша-конструктораар хүдэлжэ эхилээ. Түбтэ хамта 12 уран гартан хүдэлдэг. Маргарита Алексеева ба Юлия Харгаева хоёр үндэhэн хубсаhа оёдог, зөөлэн материалаар ба hэеыгээр хүдэлдэг юм. Елена Осипова хилгааһаар томо хибэс нэхэдэг, Фёдор Захаров – модошо дархан, Эдуард Куклин – түмэршэ дархан. Эрхүүгэй буряадуудай ханза, эд бараа, хубсаhа шэнжэлдэг уран гартан юм. Нагасын талаhаа дамжан ерэhэн бэлиг Эдуард хүбүүн гэр бүлэ сооһоо гансаараа дүүрэн эдлэжэ ябана.
Эдуард Александрович заншалта соёлоор һонирхожо, эрдэмэй-дүршэл абалгын конференцинүүдтэ хабаадажа, курснуудта hуража, эрдэм мэдэсэеэ, мэргэжэлээ ходо дээшэлүүлжэ байдаг. 2017 ондо тойрогой хэмжээндэ «Үндэhэн буряад хубсаhан» гэhэн эрдэмэй-дүршэл абалгын конференцидэ «Украшения предбайкальских бурят» гэһэн сэдэбээр элидхэл хэhэн байна. 2019 ондо Санкт-Петербургын гүрэнэй соёлой институдта онлайн аргаар «Современные технологии в реставрации предметов декоративно-прикладного и изобразительного искусства» гэhэн программаар һураа. Абаhан эрдэм мэдэсэеэ, шадабарияа тойрогойнгоо ба Эрхүүгэй можын ажаhуугшадта мастер-класс үнгэргэлгэдэ хэрэглэдэг юм. Олон жэл Алайрай, Баяндайн, Боохоной, Нүхэдэй, Оhын, Эхирэд-Булгадай ба Ойхоной аймагуудта семинарнуудые, мастер-классуудые үнгэргэжэ байдаг һайшаалтай. Хабаадагшад, харагшад Эдуард Куклинай мэргэжэлтэ шадабари үндэрөөр сэгнэдэг.
ШЭНЖЭЛХЫ АЖАЛ ҮРГЭНӨӨР ЯБУУЛАГША Агада үнгэргэгдэhэн «Элинсэгэйм алтан шүрбэhэн» харалга-мүрысөөндэ, гол түлэб, уран гартан эхирэдэй хубсаhа асарһан байна. Гадна булгадай, алайрай, нүхэдэй, боохоной болон оhын хубсаhа шэнжэлхэ ехэ ажалай байһые тэрэ тэмдэглээ һэн. Тойрогой аймагуудай ажаhуугшадай хубсаhа оёлгын адли байгаашье һаа, уран гартан бүхэн өөрын онсо шэнжэ нэмэдэг ха юм. Фотоаппарадай бии болоодүй байхада хэгдэһэн 18-дахи зуун жэлэй зурагhаа арhан плати Харганын түбэйхид буулгажа абаа һэн. Тэрэ үедэ шэнжэлэгшэд ерэжэ, зуража абадаг байһан байна. Хубсаhанай материалай хомор үедэ эгээ урид арhан, hүүлдэнь халюун, саашаа бүд, сэмбэ хэрэглэгдэдэг һэн.
(Үргэлжэлэлынь 47-дохи дугаарта уншахада болохо).
Нордоп БАБУЕВА.
Комментарии
AVS что ль присутствовать разработан сверху различных платформах и различных разработках, таких как научно-образовательный онлайновый певчий помощник (IVR, онлайновый голосовой эхо), текстуальный электрохимообработчик (NLP, электрообработка непринужденного языка) а также боты.
https://avtosubmitter.fun/blogi-web-2-0/ - исследование поискового продвижения
поисковый продвижение сайтов b2b8f01
RSS лента комментариев этой записи