Энэ гүрэнэй Засагай газарай урилга тогтоон, Россиин делегацида Буряад Уласай дид хамба Очиров Дагба ламхай, «Балдан Брайбун» дасанай шэрээтэ Шареев Бато ламхай, Агын дасанай ехэ гэсхы, Агын Буддын шажанай академиин ректор Чингиз Сультимов гэгшэд ошоо.
Тэдэ хэдэн зуун жэлэй түүхэтэй, мэдээжэ болоһон газарнуудые бараалхаа. Тиихэдээ Будда Шэгэмүүни бурханай шүдэ, үһэ гэхэ мэтэ хадагалдаг Шведагон, Дхан, Сайдо самхаг сүмэнүүдээр (пагода) ябажа мүргөө.
Вайберай «Новости Агинского дацана» гэһэн бүлэг соо Чингиз ламын хэлэһэн үгэнүүд үгтэнэ: «Мьянма гүрэндэ 135 яһатан, хамтадаа 50 сая хүн ажаһуудаг байна. Тэдэнэй олонхинь бирманцууд болоно. Буддын шажан дэлгэржэ, нютаг газар бүхэндэ дасан дуганууд олоор һэргээгдэнхэй, бодхоогдонхой».
Буддын шажанай һургаалда харша үзэл үзүүлдэг, һаалта хэдэг марые илаһан Маравиджая Бурхан багшын хүшөө 93 гектар талмайтай комплексдо оршоно, үндэрөөрөө 19 метр, шэгнүүрээрээ 1782 тонно болоно. Тэрэниие бодхоолгодо 1143 үдэр зорюулагдаа.
Валентина ЦЫРЕНЖАПОВА.
Комментарии
иеще кое-что, я буду рад, если вы посетите и ознакомитесь с моей страничкой.
обратные ссылки
Новости интернета самое интересное f44dc47
353454365342356@
RSS лента комментариев этой записи