1. Юрэнхы дүримүүд

1.1. Тус дүрим поэт, уран зохёолшо, сэтгүүлшэн, олониитын ажаябуулагша, РСФСР-эй соёлой габьяата хүдэлмэрилэгшэ, Шэтын можын хүндэтэ эрхэтэн, Буряад Уласай арадай поэт, Эсэгэ ороноо хамгаалгын Агууехэ дайнай ветеран Арсалан Жамбалович Жамбалоной 100 жэлэй ойдо зорюулагдаhан, буряад хэлэн дээрэ бэшэдэг авторнуудай уран зохёолой мүрысөөнэй (саашаа – мүрысөөн) зорилгонуудые, хараа бодолнуудые болон мүрысөө үнгэргэхэ гурим тодорхойлно.

1.2. Мүрысөө эмхидхэгшэд:

- Агын Буряадай тойрогой Жамьян Балданжабоной нэрэмжэтэ уран зохёолой нэгэдэл;

- Цыбен Жамцараногой нэрэмжэтэ хизаарай номой сан;

- «Үбэр Аргали» хүдөө hууринай захиргаан.

   
   2. Мүрысөөнэй зорилгонууд ба хараа бодолнууд

2.1. Мүрысөөнэй гол зорилго:

- буряад хэлэн дээрэ бэшэдэг бэлигтэй залуу уран зохёолшодые элирүүлгэ, дэмжэлгэ;

- буряад хэлэ хүгжөөлгэдэ нүлөө үзүүлгэ.

2.2. Мүрысөөнэй хараа бодолнууд:

- зохёохы эдэбхи үүсхэл урмашуулга;

- уран зохёолдо анхарал хандуулга;

- Эхэ орондоо, тоонто нютагтаа дурлал хүмүүжүүлгэ.

   
   3. Мүрысөөндэ хабаадалгын эрхэ нүхэсэл

3.1. Хабаадагшад:

- Үбэр Байгалай хизаарта ажаhуудаг, буряад хэлэн дээрэ бэшэдэг, мүн Үбэр Байгалай хизаарhаа уг гарбалтай авторнууд;

- мүрысөөнэй шүүгшэд хабаадаха эрхэгүй.

3.2. Авторнууд мүрысөөнэй хоёр янзада наһанай гурбан бүлэгтэ хабаадаха:

I янза – Уран шүлэг:

1 бүлэг – 14 наhан хүрэтэр;

2 бүлэг – 15-hаа 35 наhан хүрэтэр;

3 бүлэг – 35-hаа дээшэ наhанай.

II янза – Бага хэмжээнэй прозо (рассказ, эссе):

1 бүлэг – 14 наhан хүрэтэр;

2 бүлэг – 15-hаа 35 наhан хүрэтэр;

3 бүлэг – 35-hаа дээшэ наhанай.

3.3. Мүрысөөндэ хабаадаха хүсэлтэй зон Адрес электронной почты защищен от спам-ботов. Для просмотра адреса в вашем браузере должен быть включен Javascript. сахим хаягаар уран зохёолоо эльгээхэ (темэ соонь «Мүрысөөндэ» гэжэ зааха), үгы гэбэл Ага тосхон, ул. Комсомольская, 14 хаягаар Цыбен Жамцараногой нэрэмжэтэ хизаарай номой санда асархада болоно.

3.4 Хабаадагша өөр тухайгаа удаадахи мэдээнүүдые дуулгаха ёhотой:

- нэрэ, обог;

- түрэhэн он жэл;

- хаана hурадаг (ажалладаг) тухай;

- холбоо бариха email, утаhан.

3.5. Сэгнэлтын эрилтэнүүд:

- удхыень гаргаха шадабари;

- зохёолой уран hайханай тала;

- хэлэнэй баялиг, үндэhэн зэргэсүүлгэнүүд, дүрэнүүд;

- зохёолой дабтагдашагүй өөрсэ шанар.

3.6. Мүрысөөндэ эльгээгдэhэн ажалнууд шалгагдахагүй ба бусаагдахагүй.

    
   4. Мүрысөө үнгэргэхэ болзор ба дүрим

4.1. Мүрысөө үнгэргэхэ болзор:

- 2024 оной февралиин 1-hээ апрелиин 22 болотор мүрысөөнэй ажалнууд абтаха;

- 2024 оной май hарада дүнгүүд соносхогдохо.

4.2. Мүрысөөнэй дүрим:

- хабаадагшад 2023-2024 онуудта зохёогдоhон, хаанашье хэблэгдээгүй, ондоо мүрысөөнүүдтэ хабаадаагүй шүлэгүүдээ болон эссе, рассказуудаа (гурбаhаа олон бэшэ) эмхидхэлэй хороондо эльгээхэ;

- хабаадагшад ажалнуудаа мүрысөөнэй нэгэл янзада эльгээхэ;

- илагшад 2024 оной май hарада үнгэргэгдэхэ Уран зохёолой үдэшэдэ шүлэгүүдээ уншаха.

 
   5. Мүрысөөнэй шүүгшэд

5.1. Мүрысөөндэ ороhон ажалнуудые шүүгшэдэй бүлэг сэгнэхэ.

5.2. Шүүгшэдэй бүлэг эмхидхэлэй хороон бүридхэхэ.

    
   6. Мүрысөөнэй дүнгүүдые гаргалга

6.1. Мүрысөөнэй дүнгөөр янза бүхэндэ наһанай гурбан бүлэгтэ 3-3 илагшад (дүн хамта 18 илагшад) лауреадай дипломоор, мүнгэн шангаар шагнагдаха.

6.2. Бүхы хабаадагшадта хабаадагшын баталамжа барюулагдаха.

You have no rights to post comments