Майн 15-да тэмдэглэгдэдэг Уласхоорондын гэр бүлын үдэр угтуулан, майн 13-да Дулдарга һууринда 50, 58 ба 65 жэлэй туршада суг хамта ажаһуужа байһан гэр бүлэнэрые  ёhолон хүндэлөө.

Yзөөн нютагай Тумэнжаргал Жаргалов ба Долгоржаб Дабаева 50 жэлэйнгээ ой угтаа. Дулдаргын Мижитдоржи Цырендашиев ба Цыцык Аюрзанаева хоёрой айл болоһоорнь 58 жэл үнгэрһэн байна. Мүн лэ Дулдаргын Кирилл ба Нина Харитоновтоной бүлэ 65 жэл суг ажаһууна. Эдэ гэр бүлэнэр нютаг нугадаа магтаалтай, ажаһуугшадтаа жэшээ болодог, хүүгэд, аша зээнэрээ һургаалтайгаар хүмүүжүүлһэн аба эжынэр юм. Тэдэ бүхэли наһаяа ажал хэжэ, ниитын хэрэгтэ хам оролсожо, Дулдарга һууринай, түрэл аймагайнгаа, хизаарайнгаа хүгжэлтэдэ сэгнэшэгүй хубита оруулһан зон шуу.

Ёһолон хүндэлэлэй үедэ нютагайнь захиргаанай толгойлогшонор,  үхи хүүгэдынь, түрэлхидынь олон жэлдэ бэе бэеэ дүнгэн, эбтэй эетэй ажаhуужа, олоной түлөө оролдоһон эдэ бүлэнэрые Гэр бүлын hайндэрөөр амаршалаа. Мүн эдэ гурбан айл Дулдаргын аймагай ойгоо угтагшадай хүндэлэлэй ном соо гараа табибад. Дулдаргын социальна-соёлой түбэй ажалтад дуу хүгжэм зэдэлүүлжэ, хэмжээ ябуулга шэмэглээ.

Цымжидма ДОЛГОРОВА.

Дулдаргын аймагай захиргаанай пресс-албанай фото.

Комментарии   

0 #1 DanteSoisaQY 28.05.2022 11:23
статейное продвижение 186f44d

You have no rights to post comments