Хилгэндын аршаанай ашаг туһа

   Хилгэндын аршаан хотын шарада, эльгэнэй һүлһэндэ, юрэнхыдөө, гэдэһэ доторой үбшэнүүдые аргалхада туһатай гэжэ мэдээжэ. Ажаһуугшадые социальна талаар хангамжын «Орловский» комплексно түбэй хүүгэдэй эмшэн, ажалай ветеран, дээдэ категориин врач Нина Эрдынеевна Ульзутуевагай хөөрэһөөр, энэ аршаан ондоошье үбшэнүүдые эдэгээхэ аргатай ха.
    «1950-1960-аад онуудта зүүн бэедэ, Доодо Хилгэндэ гэжэ газарта аршаан байһан. Жэгтэй олон хүн ерэжэ, майхан, һэеы гэр соо байжа, модон боошходо аршаанда ородог һэн. Мүнөө харгын баруун бэедэ скважинаһаа аршаан гаража байдаг. Энэ скважина хэхэдэнь, голой зүүн тээ аршаан гарахаяа болишоһон.
    Анханда энэ аршааниие эхэнэрэй аршаан гэдэг һэн. Минии дээдэ тээ хоёр басагад тогтоогүй. Эжы ехээр һалхи абаһан байгаа. Абамнай эжые Хилгэндын аршаанда абаашаһан юм. Аршаан уугаад, боошходо ороһон. Тиигэжэ эжы эдэгэжэ, би түрэһэн хаб, дүрбэн хүбүүдые ба дүрбэн басагадые дахуулһанби.
    Бага байхадаа, гэртэхинтэеэ ходо аршаанда ошодог һэм. Наһатай хүгшэд һэеы гэр табюулаад байдаг бэлэй. Аршаанда дүтэ сарай, тэрээн соо 2-3 модон боошхо байдаг һэн. Аршаанаа томо чан соо халаадаг байгаа. Бүлеэдхэгдэһэн аршаантай боошхо соо һамгад ородог һэн гэжэ һанадагби», - гэжэ Нина Эрдынеевна хөөрөө.

Дэлгэрэнгыгээр "Толон" һониной 30-дахи дугаарта уншагты.

You have no rights to post comments