Yзөөнэй «Даши Түбдэнлин» дасан ветерануудай дунда эндэ һая шагай наадаар нээмэл мүрысөө түрүүшынхеэ эмхидхэн үнгэргэбэ.
Хабаадагшад 50-60, 61-70, 71-80 ба 81-һээ дээшэ наһанай бүлэгүүдтэ хубааржа, хаба шадалаа туршалсаа бшуу.
Мүрысөөнэй дүнгүүдээр, «Мори урилдаан» янзада 50-60 наһатай хабаадагшадһаа – Дулдаргын Сентябрина Цыбегмитова, 61-70 наһанай бүлэгтэ Табтаанайн Цырен-Дулма Матхеева, 71-80 наһанай бүлэгтэ Ага тосхоной Дарима Пурбуева гэгшэд түрүү һуури эзэлээ. Харин 81-һээ дээшэ наһанай бүлэгтэ Дулдаргын Вера Дугарова эрхим гээд тодороо.
Шагай няһалалгаар Тугшанай Елена Цыренова, Дулдаргын Заяата Батомункуев, Ага тосхоной Дашидондок Жамьянов гэгшэд илабад. 81-hээ дээшэ наһатай хабаадагшадһаа Вера Дугарова дахин шалгаржа, түрүү һуурида гараһан байна.
Шагай шүүрэлгээр дулдаргынхид – Бато Дашидондоков, Цындыма Батомункуева, Сахюуртын Галина Лхамаева гэгшэд оройлоо. Тон наһатай хабаадагшадай бүлэгтэ Дулдаргын Сэржэ-Мэдэк Батоева шалгарһан байна.
Мүн Yзөөн, Алхана нютагуудые түлөөлһэн Дашинима Цыбенов, Дулдаргын Цындыма Батомункуева, Ага тосхоной Дашидондок Жамьянов, Дишигма Ринчинова гэгшэд өөр өөрын наһанай бүлэгтэ абарганууд болоо.
Цымжидма ДОЛГОРОВА.
Дулдаргын аймагай захиргаанай пресс-албанай фото.
Комментарии
RSS лента комментариев этой записи