Официальный сайт Всебурятской газеты "Толон"

Информация о материале
Категория: Ниигэм
Просмотров: 141

   Ноябриин 22-то Россиин Баатар Эдуард Норполовой нэрэмжэтэ Агын 5-дахи дунда һургуулида «Память» гэһэн сэрэгэй-патриотическа музей нээлгын баяр ёһолол үнгэргэгдөө. 

   Хүндэтэ айлшан – сенатор Баир Жамсуев амаршалгын үгэ абахадаа, шэнэ һургуулида сэрэгэй музей дэмыдэ байгуулагданагүй гэжэ тэмдэглэһэн байна. «Тосхоной 5-дахи дунда һургуули баатар хүбүүнэй нэрэ зүүгээд ябана хадаа эдир үетэниие хүмүүжүүлгэдэ онсо анхаралаа хандуулжа, һуралсалаа ябуулха ёһотой. Гүрэн дотор тохёолдоод байһан бэлэгүй сагта дунда һургуулинуудта сэрэгэй талаар хүмүүжүүлгэ эдэбхижүүлхэ шухала. Залуушуул үнгэрһэн сагай сэрэгэй түүхэ ба мүнөө үеын байдал һайнаар мэдээд, ойлгоод ябаха ёһотой», - гэжэ Баир Баясхаланович хэлээ.
   Сенатор музейдэ Шпагинай суута автомат бэлэглээ. Мүн хизаарай амбан захирагша Александр Осиповой бэлэг дамжуулһан байна. Тиихэдэ сенатор түүхэтэ буунуудые: немецкэ автомат МП-40, Калашниковай автомат бэлэглээ. Ананда Дондоков Макаровай пистоледэй, Сокто Мажиев наганай македүүдые, 1941 оной дурамбай бэлэглэһэн байна. Удаань сенатор Баир Жамсуев, тойрогой Захиргаанай хүтэлбэрилэгшын уялга дүүргэгшэ Ананда Дондоков, һургуулиин захирал Гэрэлма Бадмаева, хизаарай Хуули тогтоолгын Суглаанай түрүүлэгшын нэгэдэхи орлогшо Сокто Мажиев ба бусад айлшад хүндэлэн татаатай улаан лентэ хайшалаа.
   Музей соо Эсэгэ ороноо хамгаалгын Агууехэ дайнда ба һүүлэй үеын дайн байлдаануудта зорюулагдаһан, мүн «Герои нашего времени» гэһэн гаршаг доро Россиин Баатар Эдуард Норполовой ба нютагай сэрэгшэ хүбүүдэй абажа ябаһан хэрэгсэлнүүдэй үзэсхэлэн табигдаатай. Эдуард Норполовой түрэлхид зула бадараагаа, хүбүүнэйнь баатаршалга, нэрэ мүнхэлхэ хэрэгтэ горитойхон хубита оруулһан зондо, тэрэ тоодо сенаторта, тойрогой Захиргаанда, һургуулиин хүтэлбэридэ баярые хүргөө.

Добавить комментарий

Информация о материале
Категория: Нютагай шарай
Просмотров: 976

   Домог түүхэтэ Онон голой хойто бэедэ оршодог Будалан нютаг урданай баян түүхэтэй һуурин юм. Аяар холын 1930 оной октябриин 1-дэ Онон голһоо холо бэшэхэнэ Булагай адагта түрүүшын түб буусын һуурида гасуу зоогдожо, Будалан нютагай хүгжэлтын эхин табигдаһан байна гээшэ. Тэндэ ажахы байгуулагдажа, суута Карл Марксын нэрэмжэтэ колхоз боложо, хожомоо һалбаран хүгжэһэн.

Подробнее... Добавить комментарий

Информация о материале
Категория: Хизаар ороноо шэнжэлэлгэ
Просмотров: 979

   Үбэр Байгалай хизаарай эгээ урдын бальнеологическа «Дарһан» курорт гурбан тээһээнь тойроод хуһан ба нарһан ой тайгатай шобогор хадануудтай. Турын голой хүндыдэ, Дагуурай ба Могойтын шэлэнүүдэй хоорондо гоё һайхан байгаалитай газарта «Дарһан» оршодог юм.

Подробнее... Добавить комментарий

Информация о материале
Категория: Рубрика
Просмотров: 58

   Ноябриин 7-до Россиин хүдөө ажахын болон болбосоруулгын үйлэдбэриин хүдэлмэрилэгшэдэй үдэртэ зорюулагдажа, Агын Буряадай тойрогой Захиргаан соо ажалай түрүүшүүлые хүндэлэн ёһололгын хэмжээ ябуулга үнгэргэгдөө.

Подробнее... Добавить комментарий

Информация о материале
Категория: Эхэ хэлэн
Просмотров: 114

   • Һанамжанууд, тобшололнууд

   Шүлэг уранаар уншалгын «Барбаадай» мүрысөөнэй ашаг туһатайе мэдэхын тула жюриин гэшүүдтэ, хүүгэдэй сэсэрлигүүдэй хүмүүжүүлэгшэд болон буряад хэлэнэй багшанарта хандаһан байнабди.

Подробнее... Добавить комментарий