Официальный сайт Всебурятской газеты "Толон"

Информация о материале
Категория: Шог зугаа
Просмотров: 296

   - Эжы, би саадигтаа ошохоёо һананагүйб.
   - Басага-ан, ажалһаа бү болииш даа, хүмүүжүүлэгшэгүй үлэшэхэ юм гү?

1 комментарий

Информация о материале
Категория: Барбаадай
Просмотров: 203

   Нэгэ эхэ хоёр басагадтай байгаа: нэгэниинь бүхэли үдэр эжыдээ хамһалсадаг ажалша бэрхэ, нүгөөдэнь ажал хэһэн болоод, наадахаяа ябашадаг гү, али диван дээрэ унташадаг залхуу.
Эжынгээ зэмэлхэдэ, залхуу басаган:
   - Юундэ би ходо ажал хэхэ ёһотой байдагбиб? Нэгэшье үдэр амархыем үгыт! – гэжэ урдаһаань сэсэрхээд абаха.
   Нэгэтэ эжынь сэсэн хүндэ ошожо, залхуу басагаяа яажа ажалда һургаха тухай асууба. Тиихэдэнь сэсэн хүн ажал хүүлэнгүй, бүхэли үдэр басагаяа амаруулхыень зүбшэбэ, амтатай һамар эдюулхыень үгэбэ.
   - Энэ һамар эдихэдээ, басагантнай хүдэлхэшьегүй, юумэн тухай бодомжолхошьегүй, дуугархашьегүй. Иигээд лэ бүхэли үдэрөө һанаа амархан хэбтэжэ амараг, - гэбэ сэсэн хүн.
   - Басагантнай эдеэлхэмни гэхэшьегүй, тиимэһээ өөһэдөө халбагаханаар хооллуулжа байгаарайгты. Һанаагаа бү зобогты, энэ һамарай эди шэди нэгэл үдэрэй туршада үзэгдөөд лэ дүүрэхэ.
   Эжынь һамар хараад: «Һанаа амархан хэбтэжэ байхадаа, яагаад ажалша бэрхэ болошохо юм?» – гэжэ һанабашье, залхуу басагандаа эдюулхэ гэжэ шиидэбэ.
   - Энэ һамар эдеэд, бүхэли үдэр диван дээрээ хэбтэхэдэшни болохо, - гэжэ эжынгээ хэлэхэдэ, залхуу басаганиинь хүхеэд лэ, һамарыень амтархан эдижэрхибэ. Тиигээд юушье хэнгүй, бэлэн халбагаһаа эдеэлээд лэ, бүхэли үдэр хэбтэбэ. Үглөөдэрынь залхуу басаган бултанһаа урид һүрэжэ бодоод лэ, ажалаа хэбэ: амһартаа угааба, шоройгоо хамаба, шалаяа угааба, пеэшэнээ түлеэд, хааша шанаба.
   - Басага-ан, хара үглөөнһөө сүлөө забдагүй ажал хэбэш. Амара даа, - гэбэ эжынь баяртайгаар.
   - Бараг даа, эжы. Үсэгэлдэр амаржа эсэшооб. Бүхэли үдэр миин хэбтэхэһээ хүндэ ажал үгы, - гэжэ басаган харюусаба.

1 комментарий

Информация о материале
Категория: Алтан үлгы - Агамнай
Просмотров: 238

   Сагаан-Уулын дунда һургуулида 45 жэлэй туршада ород хэлэнэй ба литературын багшаар хүдэлһэн багшын ажалай ветеран, Россиин Федерациин ниитэ һуралсалай хүндэтэ хүдэлмэрилэгшэ, хизаар ороноо шэнжэлэгшэ, нютагайнгаа музейн таһагые даагшаар хүдэлдэг, мүн нютаг бэшээшэ Цыцыгма Гончиковна Цырендашиева тухай хөөрэхэмнай.

Подробнее... 1 комментарий

Информация о материале
Категория: Ниигэм
Просмотров: 172

   2025 оной литэ соо Агын Буряадай тойрогой шухала удхатай ба дурасхаалта үдэрнүүдэй тоодо Орловск тосхоной Хилгэндын аршаанай нээгдэһээр 170 жэл тэмдэглээтэй. Харин социальна сүлжээн соо энээн тухай нэгэшье тодорхой мэдээсэлнүүд үгы.
   Хүн зонтой хөөрэлдэжэ, Хилгэндын аршаанай ашаг туһа, түүхэтэй, мүн шэнжэлэлгын ажалтай танилсабабди.

Подробнее... 1 комментарий

Информация о материале
Категория: Ойн баяр
Просмотров: 1574

   Абида Арсалановай нэрэмжэтэ Согто-Хангилай хүүгэдэй уран урлалай һургуулиин «Тэршээхэн унаган» гэһэн хүүгэдэй аман зохёолой бүлгэмэй артистнар олон жэлэй хугасаада арадайнгаа соёлтой танилсуулжа, нютагайхидаа омогорхуулжа, хүхеэжэ ябадаг.

Подробнее... 1 комментарий