Информация о материале
Категория: Суг энеэлдэе
Просмотров: 1076

   Нэгэ залуу эхэнэр нүхэр басагандаа хөөрэнэ:
   - Үбгэнэйнгөө һогтуу ерэхэдэ, «автозагар» гэжэ крем нюуртань түрхижэрхёоб.
   - Тиигээд?..
   - Үглөөгүүр һэрихэдэнь, «гахай шэнгеэр архидабаш, бүхы нюуршни шара толбонуудтай болоо, эльгэншни тэсэхэеэ болёо хадаа» гэбэб.
   - Заа, тиигээд?
   - Зургаадахи һара архи амандаа хэнэгүй! 

   Нордоп БАБУЕВА.

Добавить комментарий

Информация о материале
Категория: Суг энеэлдэе
Просмотров: 917

Нэгэ залуу айлай одхон хүбүүн эжыһээ һурана:
- Минии аба гэртэхинтэй гү?
- Гэртэхинтэй.
- Теэд юундэ гэртэхинтэеэ байнагүй бэ?

***
Арбаад жэлдэ инаглан нүхэсэжэ ябаһан залуушуул хөөрэлдэнэ.
Басаганиинь:
- Сэдэн, айл бүлэ болохоор болоо бэшэ гүбди?
- Хари, би баһал тиигэжэ һананаб. Теэд бидэ хоёр хэндэ тоолгохо гээшэбибди?

***
Газаа байһан һандали дээрэ эхир басагад наадажа һууна. Нилээд һогтуу хүн үнгэржэ ябаһан аад, тэдэниие хараад тогтошобо.
- Маанадые хоёроор харана гүт, бидэ нээрээ эхирнүүдбди, - гэбэ басагад.
Һогтуу хүн:
- Юу, юун гэжэ... дүрбэбди гэнэ гүт даа? – гээд, газар дээгүүр мухаришаба.

***
Барилдааша хүбүүн гэртээ хүхэ нүжэ болоһон нюуртай ерэбэ.
Абань хүбүүнһээ һурана:
- Яагаабши иихэдээ?
- Үйлсэдэ ябажа байхадам, гурбан хүбүүд хүндэржэ һалаагүй. Телефонииемни буляахаяа һанаа хаш даа.
- Тиихэдэнь яабаш?
- Тэдэниие түрүүн түрэлхидынь таниг лэ.

Долгор РАДНАБАЗАРОВА.

Добавить комментарий

Информация о материале
Категория: Суг энеэлдэе
Просмотров: 967

   Залхуу хүбүүн бэеэ һорихоёо фитнес-клуб ерэһэн аад, юушье хэнгүй, велосипедтэ һууһан зандаа һуужал байба.

   Нэгэ хэды сагай үнгэрһэн хойно инструктор тэрээндэ хэлэбэ:

   - Юундэ педаль эрьюулэнгүй, миин һуунабши?

   Тиихэдэнь хүбүүн:

   - Теэ… би хадаһаа буужа ябана гээшэ бэзэб даа, - гэжэ һэнгэргүй харюусаба ха.

                                                              ٭٭٭

   Саяна басаган гэр бүлынгөө фотоальбом анхаралтайгаар хаража байтараа, эжыдээ хандаба:

   - Сэхэ бэетэй, буржад гэһэн үһэтэй, хара һахалтай, сэбэрхэн шарайтай хүн хэн гээшэб?

   - Энэ шинии аба.

   - Ээ-э… Теэд маанадтай суг байдаг тэрзэгэр гэдэһэтэй, хундан тархитай, сагаан һахалтай хүн хэн болоноб тиихэдээ?

   Долгор РАДНАБАЗАРОВА.

Добавить комментарий

Информация о материале
Категория: Суг энеэлдэе
Просмотров: 1367

Түнхэнэй аймагай Аршаанай дунда һургуулиин буряад хэлэнэй багша Людмила Жалсановагай суглуулбариһаа энеэдэтэй ушарнууд.

Нагаса абамни ород хэлэ мэдэхэгүй юм. Дайнда ябаһан, «Запорожец» унаатай, тэрээндээ һуугаад лэ ябадаг.

Ород яһанай Ваня хүршэнь нэгэтэ асууба:

- Друг, ты куда?

Нагаса аба:

- Сейчас до магазина съезжу, перевернусь и приеду, - гэжэ харюусаад, Ваня нүхэрөө унаса энеэлгэһэн гэхэ.

Нэгэтэ тэдэ хоёр һонин һорьмойгоо хөөрэлдэжэ һуутараа тоосолдошобо.

Ород хүршэнь уурлаһандаа:

- Какой же ты лицемер! – гэжэрхибэ.

Нагаса абамни байжа байжа, духаяа маажасагаагаад:

- Хүб-аа, ши юун гэжэ хэлэнэш, я тебе лицо не мерил никогда, - гэбэ.

Нагаса аба кинодо орохо һанаатай, клуб ошобо. Тэндэ байһан залуушуул нагаса абые хараад, шэбир-һабир гэлдэбэ ха.

Тиихэдэнь нагаса абам урдаһаань:

- На спине не говорите, на лице можно говорить! – гэжэрхёо бэлэй.

Үшөө нэгэ ушар. Аймагай түб ошоод, удаахан боложо, эдеэлхэ баатай болобо. Эдеэнэй газарта орожо, амтатайхан шүлэ захиба. Теэд эдихэ гэхэдэнь, тэрээн соонь үһэн байба. Нагаса аба ород тогоошондо «Почему в супе нооһон!» – гэжэ хашхараа бэлэй.

Долгор РАДНАБАЗАРОВА.

Добавить комментарий

Информация о материале
Категория: Суг энеэлдэе
Просмотров: 1774

Гэртээ Баатар абадаа дүрыень зураад харуулба:

- Гоёор намайе зурабаш даа. Теэд юундэ намда ногоон үнгэтэй үhэ зураабши? – гэбэ абань.

- Намда халзан толгойн үнгэ байдаггүйл. Тиимэһээ толгойетнай ногооноор шэрдээб, - гэбэ хүбүүниинь.

* * *

Геолог хүн ажалаараа Яхад орон ошобо. Тэндэнь табин градус хүйтэн .

Тэрэ нэгэ яхадһаа:

- Эндэтнай дулаан болодог гү? – гэжэ асууба ха.

Тиихэдэнь тэрэнь:

- Уржадэр, үсэгэлдэр одоо дулаан байгаа, минус гуша болоо һэн, - гэжэ хэлээд, геологые гайхуулба.

* * *

Дэлхэйн хоёр ондоо газарта байдаг танилнууд телефоноор хөөрэлдэнэ:

- Танай тэндэ үзэлэй хүйтэн болоно гэлсэнэ. Зүб гү?

- Үгы, бараг. Хорин градус хүйтэн болоно.

- Интернедтэ дүшэн градус хүрэтэр хүйтэрнэ гээд харуулнал.

- Аа, теэд тэрэш газаа минус дүшэ болоно.

Валентина ЦЫРЕНЖАПОВА.

Добавить комментарий