Информация о материале
Категория: Суг энеэлдэе
Просмотров: 1598

Хоёр нүхэд кафе соо хоол барижа һууна. Нэгэниинь иимэ ушар хөөрэбэ.

«Υсэгэлдэр трамвайгаар ажалһаа гэртээ ошожо ябааб. Трамвай соо хүн үсөөн. Буудалда тогтоходомнай, нэгэ хүгшэн трамвай руу оромсоороо, минии хажууда ерээд, гэтэнгеэр хаража зогсобо. Би гайхабаб.

- Хүбүүн, намайе һууридаа һуулгыш даа, - гэбэ. 

Тиихэдэнь би:

- Трамвай соо олон һууринууд байна, али нэгэндэнь ошоод һуугыт, - гэбэб. 

- Υгы, тэдэшни булта хүйтэн лэ. Шинии дулаасуулһан һуурида һуухамни, - гэжэ хэлэбэ.

Мэхэтэйл хүгшэн байба ха».  

 

 * * *

 

Нэгэ бүһэтэй хүн докторто шуһанай даралта шалгуулхаяа ерэбэ.

Доктор үзөөд хэлэбэ:

- Зай, нүхэр Бадмаев, мүнөөдэрһөө эхилээд, тамхияа хаяха болобот.

- Тамхи татадаггүйлби, тамхинай утаандашье дурагүйб. 

- Тиибэл мүнөөдэрһөө архияа хаяха болоот.

- Би архидашье дурагүйб.

- Тиибэл ямар юумэндэ дуратайбта?

- Буузада. 

- Буузада?.. Тиибэл, нүхэр Бадмаев, мүнөөдэрһөө бууза эдижэ болохогүй, ойлгоо гүт?

- Бууза эдижэ… болохогүй?.. – гээд, Бадмаев һал унашаба.

Цымжидма ДОЛГОРОВА.

1 комментарий

Информация о материале
Категория: Суг энеэлдэе
Просмотров: 1626

Үгэ хүүртэ ульгам, шашаг абаряараа зондо хашартай болоһон хүн амитадые худалдадаг наймаа орожо, тоти шубуу абахаяа һанаба.

Наймаашан:

- Тоти шубуун наймаада дууһаад байна, - гэбэ.

- Хүн минии шашагһаа залхуураад, тэрьедэдэг болоод байна. Тоти шубуутай боложо, тэрээнтэеэ шашалдахаб. Хайрлыт, яажашье һаа, намда олоод худалдыт. Хэдытэшье һаань абахаб, - гэжэ гуйба.

Тиихэдэнь наймаашан бэгсэргэ шубуу һаруул үнгөөр шэрдээд, тэрэ хүндэ худалдажархиба.

Һара тухай болоод, тэрэ хүн наймаа орожо хэлэбэ:

- Яаһан гоё шубуутай болообиб. Дуугардагшьегүйнь хабатай. Минии шашахые шагнажал байдагтань хүхигшэб.

* * *

- Дуулаа һэн гүш? Софочкодомнай сүүд 10 жэл үгөө, - гэбэ хүршэнь нүгөөдэдөө.

- Юун болооб? Яаһандань...

- Үбгэеэ хаяһанайнь түлөө, - гэбэ хүршэнь.

- Болииш даа. Тэрэнэй түлөө түрмэдэ хаадаггүй. Би өөрөө хоёр үбгэдөө хаяһанби.

- Тииһэмши, хэн мэдээб? Хэдыдэхи этажһаа үбгэдөө хаяабши? – гэжэ һураба хүршэнь.

Валентина ЦЫРЕНЖАПОВА.

Добавить комментарий

Информация о материале
Категория: Суг энеэлдэе
Просмотров: 1489

Наhажаал боложо ябаhан эхэнэр дэлгүүртэ:

- Муудаhан hархяаг... Һархяаг абагты, үнэгүйгөөр үгэхэб! – гэ-жэ зоной анхарал татан, шанга шангаар hүхирнэ.

Хажуугаарынь үнгэржэ ябаhан наhажаал хүн хүгшэндэ:

- Наймаагаа худалдажа байhан аад, юундэ муудаhан гэжэ сэхыень хэлэнэ гээшэбши. Хэн hархяагыешни абаха юм? – гээд шэбэнэн дуугарба.

Хүгшэн:

- Абана, абана. Нэгэн ажалайнгаа даргада, нүгөөдэнь хадам эжыдээ дууhан абажа байна даа.

Эрдэни ЧИМИТДОРЖИЕВ.

1 комментарий

Информация о материале
Категория: Суг энеэлдэе
Просмотров: 1305

Гурбадахи ангиин хүбүүнһээ асуубаб:

- Гэрэй даабари ехые үгөө гү?

Хүбүүн һанаагаа алдан хэлэбэ:

- Мүнөөдэрэй даабаримни ехэ даа. Одоо шанга гэгшээр хуугайлха, бэеэ зобоохо болобо гээшэт.

* * *

Наһажаал үбгэн гудамжын һандали дээрэ һуугаад:

- Яашоош юм гээшэб даа! Яахадаа иидэг гээшэб! – гэжэ байжа, уй гашуудалда абтана.

Хажуугаарнь нэгэ сагдаа үнгэржэ ябатараа, үбгэжөөлые хараад, хажуудань һууба.

- Зай, юун болооб? Яатараа гэмэрнэ ганирна гээшэбта? – гэжэ һураба.

- Һууhан һандалимни шэрдээтэй байба бшуу. Хубсаһамни шэрэ болошобол даа! – гэжэ үбгэн харюусаба.

Валентина ЦЫРЕНЖАПОВА.

1 комментарий

Информация о материале
Категория: Суг энеэлдэе
Просмотров: 1382

Аюша хүбүүнэйм асуудал намайе мухардуулба:
- Нэгэ багшын бүхы предмедүүдые заажа шадахагүй һаань, нэгэ һурагша яагаад бултыень үзэхэ гээшэб?!

***

- Балжима, Клава хүгшэн эжынгээ дүүрэн нэрэ мэдэхэ гүш?
- Клавиатура!

***

Эжынь үхибүүндээ хүүгэдэй сэсэрлиг ерэбэ.
Харахадань, хүүгэд элhэндэ наадана, харин хүмүүжүү-лэгшэнь зали абажа байна.
- Юундэ унтажа байнабта? Хүүгэдтнай тарашаха бэшэ гү?
- Хайшаа тараба гээшэб даа, манай Wi-Fi ганса элhэнэй хоороб тойроод баридаг ха юм.

Нордоп БАБУЕВА бэлдэбэ.

 

Добавить комментарий